Gelê li Efrînê yê ki li Şehbayê bi cih buye, tevî ku hêvî û bendewariya xwe ya vegera Efrînê zindî dihêle, têkoşîn û hûnandina jiyanê jî didomîne. Li kampên berxwedan û serdemê tevî hin zehmetiyan jî jiyan asayî berdewam dike. Şaredariya Gel a Şehbayê niha ji bo bazarê dikanan lê dike.”
Tevî hemû zor û zehmetiyan jî jiyana li kampên berxwedan û serdêmê yên li Şehbayê jiyan asayî dibe û berdewam dike. Gel xebatên xwe yên rêxistinkirinê jî bê navber didomîne. Ji aliyê din ve bi biryardarî berxwedana xwe didomîne da ku vegerên ser warê xwe.
Şaredariya Gel a herêma Şehbayê li ser daxwaza dikandaran dest bi xebatên birêxistinkirina sûka kampê kir. Şaredarî li şûna çadiran dikanên ji çîmentoyê lê dike.
Şaredariya Gel a Kampa Berxwedan a herêma Şehbayê ji bo xizmeta welatiyên di kampê de bi cih bûne, bê navber hewl dide kar û xebatan pêk bîne. Şaredarî di vê çarçoveyê de ji bo birêxistinkirina sûka kampê li şûna dikanên di çadiran de hatine vekirin, dikanên ji blokan (çîmento) lê dike.
Rêveberiya Kampê derbarê mijarê de agahî da û diyar kir ku şaredariyê heta niha 75 dikan lê kirine û diyar kir ku li şûna çadiran dikanên ji çîmentoyê têne lêkirin. Hate gotin ku bi vê yekê tiştên di dikanan de têne firotin ji tîrêjên rojê û germahiyê wê werin parastin.
Rêveberiya kampê her wiha da zanîn ku wê cihê bestan jî dûrî dikanan were peydakirin û bi vê yekê wê derfet ji hemû firoşkaran re were peydakirin…ANHA