Navenda Nûçeyean/ Qamişlo
Derbarê pêngava‘Ji Rêber Abdullah Ocalan re azadî, Ji pirsgirêka Kurd re çareseriya siyasî′ Însiyatîfa Sûriyê ya azadiya Rêber Abdullah Ocalan ji bo raya giştî ya cîhanê daxuyaniyek da.
Di daxuyaniyê de wiha hat gotin: “Dewleta Tirk di dîroka xwe ya dûr û dirêj de bi faşîzm û nerîneke kêm ji gelên ku bi hev re bi aştiyane jiyan dikin, tê naskirin. Her wiha meşandina siyaseta tinekirin û windakirina azadî û nasnameyan li hemberî wê, heta ku dewleta Tirk a bi pêşengiya zalim Erdogan, di serdema me ya îro de bibe mînaka desteserkirin û tinekirina mafên gelan. Ev polîtîka tiştê ku Nazî Adolf Hitler di Şerê Cîhanê yê Duyemîn de, di dema şerê xwe yê li dijî Cihûyên cîhanê û hewldana wî ya ji holê rakirina wan ji ser rûyê cîhanê de şopand, tîne bîra mirov. Hemî rêbazên ku tu eleqeya wan bi mirovatiyê re tunebû, dişopand û Kemal Ataturk di wê demê de ji xwe re kir mînak û di gotin û kirinên xwe de ev yek eşkere kir û got: (Min Kemal Ataturk di vê siyasetê de ji xwe re kiriye mînak).
Siyaseta ku Erdoganê xwendekarê Ataturk û Hîtler dişopîne ev e, siyaseta ku li her alî, li bakur, başûr, rojhilat û rojava û bi rêbazên cûrbecûr, çek û rêbazên nemirovane li dijî gelê kurd bikartîne. Ev hevdem e bi pêkanîna polîtîkaya tecrîda girankirî ya li ser Rêber Abdullah Ocalan û berdewamkirina cezayên dîsîplînê yên ku ne girêdayî yasa û zagonên erdî û esmanî ne, bi armanca di şexsê Rêbertî de dawî li Kurdan bê anîn, û di kesayeta Kurdan de rêbertî bi dawî kirin.
Ji ber vê yekê em bi navê însiyatîfa Sûriyeyê ya ji bo azadiya Rêber Abdullah Ocalan, bang li raya giştî û hemû welatparêz û gelên azadîxwaz ên cîhanê dikin ku dualîtiya siyaseta dewleta Tirk a li dijî Kurdan tê meşandin fêm bikin. Ji aliyekê ve bi hovane li wan dixe, herêmên wan bombebaran dike, wan dikuje, niştecihan ji malên wan koçber dike, binesaziya wan wêran dike. Li aliyê din tecrîda li ser Rêber Abdullah Ocalan tê girankirin û cezayên zêde yên li ser tên nûkirin. Bi vê yekê, dengê bi milyonan endamên civaka mirovî, siyasetmedar, mirovên xwedî ramanên azad, fîlozof, zanyar, nivîskar û xwediyên xelata Nobelê, Dengê wan li çar aliyên cîhanê, li pênc parzemînan û li heftê û çar bajarên ku îro ji sed bajarî derbas bûne, paşguh dike. Di çarçoveya kampanya xwe de daxwaza azadiya Rêber Abdullah Ocalan dikin, ji ber ku yekane rêya çareseriya pirsgirêka Kurd û hemû dubendî û pirsgirêkên li Rojhilata Navîn e. Ji ber ku Rêber Abdullah Ocalan nivîskarê teza herî bi nirx û girîng e ku di nava xwe de bingehên avakirina neteweya demokratîk, ewlekarî, aştî, biratiya gelan, jiyana hevbeş, aboriya komînal û jinên azad hildigire. Ji aliyekî din ve siyaseta Îsraîlê di bombebarankirina bajarê Xezayê de şermezar dike û daxwaz dike ku Îsraîl berpirsyar be, bê paşvekişandin û rawestandin û nêzîkatiya siyaseta wê li hember filistîniyan bê guhertin, ji ber ku ti têkiliya wê siyaseta wê bi mirovahiyê re nîne.
Ev çi dualî ye! Çi pozbilindî û nefret ji aqilê dinyayê re! Îdîa dike ku gelê Xezeyê diparêze ji ber ku ji aliyê Îsraîliyan ve tê bombekirin, wêrankirin û tunekirin û di heman demê de hebûna Kurdan wêran dike û tune dike. Her wiha bi sepandina cezayên dîsîplînê, ku tu bingehek qanûnî, rewa û mirovahî tune ye, tê domandin. Daxwaz dike ku Îsraîl ji ber kiryara xwe ya tawankar di nav forumên navneteweyî de berpirsyar bê dîtin û di heman demê de ew kiryarên xwe yên bi Kurdan re û bi Rêber Ocalan re di bin navê ku Kurdên li dijî terorê û tundrewiyê şer kirine terorîst in û divê bên darizandin diparêze. Her wiha Rêber Ocalan xwediyê felsefeya biratiya gelan û aştiyê ye, terorîst e û divê bê tasfiyekirin.
Li gorî vê yekê, bi navê însiyatîfa gelêrî ya li Bakur û Rojhilatê Sûriyê û li seranserê cîhanê, em soz didin ku em ê vê hemleya cîhanî ya ku ji bo bidestxistina azadiya Rêbertî ku rêya çareseriya pirsgirêka Kurd e, bi dawî bikin û em ê mezin bikin. Têkoşîna me, heta bidawîkirina tecrîdê û bidestxistina azadiya fîzîkî ya li ser Rêber Ocalan. Û di hemû astan de ji bo eşkerekirina dualîtiya siyaseta dewleta Tirk a li hemberî Kurdan û bi giştî hemû gelên bindest û berdewamkirina cezayên bê bingehên qanûnî, li dijî Rêber Ocalan bi taybetî. Armanca wê ya nemirovane bê eşkere kirin, ku ew e ku wî ji dadgehkirineke navneteweyî ya adil li gorî prensîb û rêgezên Dadgeha Mafên Mirovan a Ewropayê bêpar bike, piştî derbaskirina bîst û pênc salan di hucreya bitenê de, û derbasbûna nêzîkî sê salan, ji bi malbat û muwekîlên xwe re necivîne, an jî ji wî an derheqê wî de nûçe nestîne, da ku wî ji mafê hêviyê bêpar bike.”