Wezareta Tenduristiyê ya Filistînê ragihand ku ji 7′ê Cotmehê ve herî kêm 4 hezar û 137 filistînî ji ber bombebaranên Îsraîlê jiyana xwe ji dest dane.
Li gorî daxuyaniya Wezareta Tenduristiyê ya Filistînê, ji 7′ê Cotmehê ve herî kêm 4 hezar û 137 filistînî ji ber bombebaranên Îsraîlê jiyana xwe ji dest dane.
Di daxuyaniyê de hat diyarkirin ku 13 hezar û 162 kes birîndar bûne. Herwiha hate gotin ku di nav miriyan de 16 kesên ku li bajarê Xezayê li dêra Ortodoks a Yewnan ya Azîz Porfiriyê hatibûn kuştin hene.
Li gorî şahidan, di êrişa hewayî de nuqteyeke li nêzî dêra ku gelek şêniyên Xezayê lê stirîne, bûye hedef. Di encama bombebaranê de dêra dîrokî zerer dît.
Li gorî daxuyaniya Wezareta Tenduristiyê di nava 14 rojan de li Xezayê 46 xebatkarên tenduristiyê mirin û 85 jî birîndar bûn.
Li aliyê din Filistîniyên li Xezayê hê jî li benda alîkariyên mirovî ne ku ji Misirê ji deriyê sînorî yê Refehê derbasî Xezayê bibin.
Li eniya Îsraîlê jî zêdetirî hezar û 400 kes mirin ku piraniya wan sivîl bûn. Îsraîl ragihandibû ku wan cenazeyên hezar û 500 çekdarên Hamasê dîtine ku di 7′ê Cotmehê de derbasî nav axa wan bûne.