Li Şehbayê sazî, tevger, partî û rêveberiya herêmê bi daxuyaniyekê pişgriya xwe ji pêngava ‘Ji Abdullah Ocalan re Azadî Ji Pirsgirêka Kurd re Çareseriya Siyasî’ ragehand.
Zana Roj/Şehba
Bi daxwaza azadiya Rêberê Gelê Kurd Abdullah Ocalan û çareseriya pirsgirêka Kurd di 10’ê
Cotmehê de Pêngava ‘Azadî ji Abdullah Ocalan re, Çareseriya Siyasî ji Pirsgirêka Kurd re’ destpê kir. Ji çar aliyên cîhanê, akademîsyen, rojnamevan, rêxistinên civakî yên sivîl, partiyên siyasî, parlamenter, aktîvîstên têkoşerên maf, fîlozof, kesên hêjayî xelata aştiyê ya nobelê hatine dîtin, nûnerên rêxistinên jinan û gelên xwecihî pêngava ‘Azadî ji Abdullah Ocalan re, Çareseriya Siyasî ji Pirsgirêka Kurd re’ dan destpêkirin.
Bi armanca piştgiriya pêngava ‘Ji Abdullah Ocalan re Azadî Ji Pirsgirêka Kurd re Çareseriya Siyasî’ li herêma Şehbayê bi tevlîbûna hemû rêxistin, partî, tevger û saziyên herêmê daxuyanî ji raya giştî re hat dayîn .
Daxwiyanî wiha bû: “Li hemberî Komploya Navnetewyî ya li ser Rêber Edullah Ocalan, civaka demokratîk a mirovahiya azad di cîhanê de,bersiveke xwezayî û însanî da.
Sendîkayên karkeran,partiyên siyasî,rêxistinên civakî û kesayetên bi bandor ên cîhanî yên ku xelata Nobelê li cîhanê di 74 bajrên hemû cihanê de wergirtiya, kampaniyeke di bin navê (azadiya Ocalan, çareseriya siyasî ya doza kurda ne) li dar xist,ji bo tekezkirina ku cihanêbûna kampaniyayê nişane ku aloziya cîhanî û çareseriya cîhanî, pêwîstiya wê bi raman û pirojeyeke cihanî heye ,da ku civaka mirovî ji kirîza heyî rêzgar bike ,yekbûna hemû stûnên çareseriyê di şexsê rêber û pirojeya wî ya ku nûnertiya modernîteya demokratîk da ye.
Înîsiyatîfa gelêrî li bakur û rojhilata Sûriyê tevlîbûna xwe ya vê kampanyayê ragihand.
Em weke sazî, partî, tevger, kesayet û koçberên Efrîn û Şehbayê, piştgiriya xwe ji bo pêngava gelêrî ya Bakur û Rojhilatê Sûriyê yên ku bi yekdengî radigihînin, ku bi azadiya Rêber Ocalan mirovatiyê ji aloziya heyî rizgar bike,ku dabînkirina çareseriya aştîya ya pirsgirêka Kurd û gelên Rojhilata Navîn e.
Berdewamkirina kirîza aboriya cîhanî û firehbûna sînorên şer û pevçûnan, nişaneya imkansizbûna sîstema cîhanî ya heyî bi dîtina çareseriyan de dide her wiha bi rêya zêdekirina aloziyan li ser hesabê berjewendî û pêşeroja gelan,hewildide temenê xwe dirêj bike.
Lewra ji hemû demên borî zêdetir, pêwîstiya cîhanê bi çareseriyeke siyasî heye ê ku bi rizgarkirina Apo pêk tê ,ji ber vê yekê ev kampaniyeya cîhanî ji mirovahî, ekolojî û jina xwedawend a ji bo jiyana bi rûmet re bû rizgarkirina wan ji felaketên domdar..
Rizgarkirina mirovahiyê di rêya peradîgmeya rêber Ocelan a ku sînor derbas kiriye û êdî ji dengên ku bangewaziya aşîtî û demokrasiyê dike re bûye îlham, derbas dibe.
Divê tecrîda ferzkirî li ser rêbertî bi rêya vê kampanyayê were şikandin û qirkirina kurdan û gelên rojhilata navîn destpêkê ji qirkirina li Îmralî pêk tê bê rawestandin.
Em weke koçberên Şehbayê û Efrîn, sazî, partî, tevger, rêxistinên civakî dewleta tirk Hişyar dikin, ku dev ji siyaseta xwe yên dijmantî û nîjadperest ên li hemberî rêbertî pêk tine berde.
Em banga gelê kurd û gelên rojhilata navîn û bi taybet gelên ereb, Ewropa û tirk dikin, ji bo bi dawîkîrina tecrîdê li ser rêber Apo û misogerkirina azadîya fîzîkî ya Rêber APO bixebitin.
Azadîya fîzîkî ya Rêber Apo misogeriya rizgarkirina Efrîn, Bab, Amed, Serê Kanîyê, Mahabad û hemû herêmên dagirkirî ye. Careke din em bi dil û can piştigiriya vê însiyatîfê radigihînin û soz didin ku em pêşengtiya wê bikin.”
