Fikra damezrandina rêxistinek medyayê, di nav de Rojnameya Ronahî, di havîna 2011’an de destpê kir û bi taybet jî piştî bûyerên ku di Bihara 2011’an de li Sûriyê dest pê kirin. Bi mebesta pêşxistina hişmendiya civakê, peydakirina atmosferek azadiya raman û derbirînê û peydakirina agahdariya guncav ji civakê re li ser bûyerên siyasî û gelemperî yên li welêt di derbarê wan de, herweha ji bo dîtina awayek ku tê de asta siyasî û çandî ya civakê dikare were rexnekirin ka çi neyînî ye û ji welatiyan re peyda dike agahdariya pêbawer a ku ji bo wan hewce dike ku helwestên xwe ber bi rastiya jiyanê ve bigirin dest. Şiyana ravekirin û şîrovekirina tiştê ku di rastiya me de diqewime ji bûyer û geşedanan heya pêşkeftina çanda mirovan bi radestkirina raporên ku di derheqê mijarên cuda yên civakî, siyasî, çandî û yên din de agahdariya cihêreng digirin. Bi taybetî, damezrandina civakek demokratîk a pirreng ku baweriya xwe bi hemahengiya pêkhateyên cûda, etnîsîte, ol û bawerî heye. Pêdivî ye ku cûrbecûr medya nûçeyan bi pêbawerî û profesyoneliyê ji gel û civakê re ragihîne, ku di civaka Sûrî û kurd de tunebû. Ji bo ku neheqiya ku li ser gelê Kurd û polîtîkayên ku hatine pejirandin ji bo derketina wê bê berdan medya ku rastiya xwe ya siyasî, çandî û civakî û gelek babetên din jî li ser wan dihate seknandin. Bi taybet jî ji bona avakirina civakeke demukrat û pirrengî û jiyaneke hevbeş di navbera hemû pêkhate, ol û baweriyan de pêwîstî bi gelek dezgehên ragihandinê hebû, ji bona ku rewşa heyî ji hemû milî ve ji bona civakê û raya giştî ragihîne. Ji ber ku civaka Sûrî û Kurdî jî di nav de di vî milî de gelek lawazî jiyan dike. Bi taybet jî siyaseta ku bi rengekî taybet li ser gelê Kurd tê meşandin û armanca wê jî ku civaka Kurd bi ragihandin bimîne û rewşa civaka Kurd ji milê siyasî, çandî, civakî di tariyê de bimîne. Ji ber wê yekê ramana damezrandina saziyek medyayê ya bi navê Ronahî di nava xwe de “Kanala TV, Rojnameya kaxezê, şaniyên weşanê, belavkirina weşanan û yên din.
Li gorî vê yekê, ji bo temamkirina daxwazên ji bo vê yekê, ji 9 kesan desteya edîtoriyê hate avakirin di nava wan de ji herêma Cizîrê, Heleb û Efrînê jî hebûn. Rojnameya Ronahî li bajarê Helebê dest bi weşanê kir û di heftiyê de carekî dihate weşandin, ew jî roja Yekşema 16’ê Cotmeha 2011 hejmara sifrê hate çapkirin û rojname wê demê ji 12 rûpelan pêkdihat. Lê piştî mehek li ser çapkirina wê re derbas bû hejmara rûpelên wê bû 16 rûpel û piştî salekî ji destpêkirina weşana Ronahî hejmara rûpelên wê bû 20.
Di sala 2013’an de, Rojnameya Ronahî kêmekî ji yên berê mezin tir 25/35 hate çapkirin. Di Çileya sala 2015’an de Rojname ji çapkirina heftê carekî derbasî heftê du caran bû û ji hejmara 500’ê di dîroka Gulana 2018’an de Ronahî bû rojane. Lê ji ber ku derfetên çapa kaxezî nebûn û derfetên belavkirinê jî kêmbûn û ji wê demê heyanî rîo rojname erebî di heftiyê de du caran bi rengekî kaxezî û 3 caran jî bi rengê eletronîk tê çapkirin. Rojnameya Ronahî beşê Kurdî jî heftê du caran bi rengekî kaxezî tê çapkirin û belavkirin.
Gelek nivîskarên ku ji bona Rojnameya Ronahî dinvîsînin û kedeka wan a ber bi çav di pêşxistina naveroka rojnameyê de heye. Herweha gelek nivîskarên qunciknivîsan jî ji bona Rojnameyê ji destpêka rojnameyê ve dinvîsînin û di pêşxisina navaroka rojnameyê de kedeke wan jî heye.
Rojnameya Ronahî di naveroka rûpelên xwe de ji destpêkê ve û heyanî roja îro bêtirî wê li ser etîk û exlaqê karsaziyê sekinî. Herweha şopandina pirsgirêkên civakî. Çandina fikrê demokrasî û azadiyê. Şopandina rola kesayet û saziyan di avakirina civakê û pêşketina wê de. Belavkirina çanda civakî li her beşa civakê. Giraniyê li ser mijarên civakî çandî, siyasî, aborî û leşkerî. Şopandina pirsgirêkên hemû beşên civakê.
Di ragihandina pirsgirêkên civakî de xwespartina rexneyên avaker. Rojnameya Ronahî bi zimanê rastiyê û nîqaşê meşa xwe domand û bû navnîşana gelên herêmê. Rojnameya Ronahî li hemû navendan kar û xebata xwe da meşandin û navenda Efrînê jî heyanî dagirkirina bajarê ji milê dagirkerên tirk yên qirker ve li ser kar û xebata xwe bûn.
Rojnameya Ronahî di salvegera 12’an ji damezirandina xwe de girêdayî naverok û zêdekirina rûpel, qunciknivîsên rojnameyê û çapê wê de gelek biryarên giring hatin girtin û wê Rojnameya Ronahî di weşana xwe ya nû de guhertin û veguhertinên giring û bingehîn bide avakirin. Herwiha soz dide ku li gotina (Ber bi ragihandineke azad û civakeke azad ve) xwedî derkeve û ji xwe re bike bingehê xebata xwe ya siberojê.
Rojnameya ronahî wê her tim şopdarê rastiyê be û wê li soza ku dayî şehîdan û di serî de şehîdên riya rastiyê xwedî derkeve. Bile kes bê ronahî nemîne. Bi ronahî ronahiya remanê xwe geş bikin.
