Bi hezaran şeneyên kantona Qamişlo şehîdên Hêza Ewlekariya Hundirîn ku di encama êrîşên dewleta Tirk a dagirker de şehîd bûn, li Goristanan Şehîd Delîl Saroxan oxir kirin. Herwiha li Dêrik, Heskê û Kobanê jî mersîmên oxirkirina şehîdan hatin li dar xistin.
Ronaz Silêman/Qamişlo
9’ê Cotmehê, di encama êrîşeke dewleta Tirk a dagirker li ser Akademeya perwerdeyê, 29 endamên Hêzên Ewlekariya Hundirîn şehîd bûn.
Îro li bajarên Qamişlo, Hesekê, Dêrik û kobanê ji bo oxirkirina şehîdên Hêza Ewlekariya Hundirîn merasîmên bi heybet hatin li darxistin û bi hezaran Şêneyên bakur û Rojhilatê Sûriyê tevlî merasîma bûn.
Şêniyên bajarê Qamişlo bi tevlîbûna hemû pêkhate, partiyên siyasî, saziyên civaka sivîl, tevgerên jinan, nûnerên Rêveberiya Xweser û Hêzên Ewlekariya Hundirîn, bi merasîmeke girseyî 7 şehîdên Hêza Ewlekariya Hundirîn ku di encama êrîşeke dewleta Tirk a dagirker de şehîd bûn, li Goristana Şehîd Delîl Saroxan spartin axê.
Merasîmê şehîdan bi deqeyek rêzgirtin li ser giyanê şehîdan dest pê kir, piştre li ser navê Meclisa Malbatên Şehîdan Hêvî Seyid, hevseroka Partiya Yekîtiya Demokratîk (PYD) Asiya Abdullah û li ser navê Rêveberiya Hêza Ewlekariya Hundirîn a bakur û rojhilatê Sûriyê Mihemed Omer, axivîn.
Di axaftinan de sersaxî ji malbatên şehîdan re hat xwestin û soza şopandina riya şehîdan hat dayîn. Herwiha bal hat kişandin ser armancên dewleta Tirk a dagirker ji êrîşên ser herêmê. Di dewamiya axaftinan de hat tekezkirin ku wê tevahiya gelên herêmê li ser fikrê Rêber Apo berxwedanê bidomînin.
Piştî axaftinan wesîqeya şehîdan ji aliyê Meclisa Malbatên Şehîdan ve hatin xwendin û radestî malbatên wan hatin kirin, herî dawî cenazeyên şehîdan li ser milan hat kirin û li goristana şehîd Delîl Saroxan spartin axê.
