Navenda Nûçeyan
Yekîtiya Ragehandina Jinê YJR’ê bi boneya salvegera Roja Rojnamegeriya Jinên Kurd daxuyaniyek da û got, berdelê wê çi dibe bila bibe ji bo Şoreşa jinê ku niha li Rojava Kurdisanê Şênber bûye bikin malê hemû jinan, ji bo serekftina Raperîna Jin jiyan Azadî ku bi berdêlên giran salekî pey xwe hişt bi vîn û azweriyek hê meztir em ê bixebitin.
Di daxuyaniya YJR’ê wiha hat gotin: “Weke Yekitiya Ragihandina Jinê (YRJ) em salvegera Roja Rojnamegeriya jinên kurd li hemû kedkarên jin yên çapemeniya azad ku di her şert û mercan de, tevî hemû zext, erişkarîyan bi biryardarî şopdariya heqîqetê dikin û her wiha di hemû eniyên tekoşîna azadiyê de de dibin, çav, zimanê rastiyan pîroz dikin.
Di pêvajoyeke ku gelê Kurd piralî bi êrişkarî û heta bi qirkirinekî mezin re rû bi rû de ye û li hember van polîtikayên qirkirinê jî gelê Kûrd û tevgera wê ya azadiyê berxwedanekî bê hempa dimeşînin de vegotina û şopdariya heqîqetê ji her demê zêdetir erk û berpirsyariyek dirokî ye. Weke gelekî ku sed sale di bin pencê qirkirinê de bi her awayî li ber xwe dide. Di van şert û mercan de weke netew têkoşîna hebûnê çawan biberdêlên mezin çêbûye, weke çapemeniya azad jî vegotina rastiya vê berxwedanî jî bi berdêlên giranbiha çêbûye. Di rastiya Kurdistanê de çapemeniya azad, di oxira şopdariya heqîqetê de bi berdêlên giran biha kevneşopiyekî çapemeniya azad daye afrandin. Ji Mazlûm Dogan heta Gurbetellî Ersoz, Ji gurbetelî Erdoz heta, Deniz Frant, Nûjiyan Erdan, Şevîn Bingol, Dîlîşan îbîşan û Avrîn Mahsum, Axin Amûdê, Koçerîn Rojîn, Roza Rênas, Şaristan Asmîn û gelek lehengên mîna wan ku di oxira şopdariya heqîqetê de bi biryardarî û evindariyek mezin xwedî li kevneşopiya çapemeniya azad derketine û bi berdêla canê xwe ev mîras miyinde kirine. Bi pêşengiya jinan têkoşîna azadiyê dewam dike û li her qadê her diçe bilind dibe, çapemeniya azad ev heqîqet ji bo raya giştî ya Kurdistan û cîhanê bi vê sekn û ferasetê ragihandiye. Li hember viya hêzên qirker û dagirker jî ji bo serniximandina rastiyan, serî li êrişkarî, zext û çewisandinên pir alî daye. Çapemeniya azad ku li ser mirasê berxwedanê ava bûye û mezin bûye, bi biryardarîyek mazin hem bûyek perçeyekî mîrasê berxwedana azadiyê ya gelê Kurd û jina Kurd û hem jî ji bo danasîna vê rastiyê bi seknekî pêşeng rolê diyarker lîstiy e.
Bi taybetî di roja me ya îro de li Çar perçeyên Kurdistanê êrişên bi armanca qirkirinê yên ku ji aliyê dewleta Tirkiyê ya dagirker ve li ser gelê Kurd û bi taybetî li ser jinê Kurd têne meşandin, teşîrkirina sucên şer ên li Kurdistanê, binpêkirinên mafên jinan, qetilkirina jin û zarokan ji aliyê dewleta tirk a dagirker ve têne kirin ji raya giştî re ragihandin, weke şopdarên heqîqetê berdelê wê çi dibe bila bibe bi sekin û feraseta Gurbeteliyan vegotina heqîqetê em weke erkê xwe yê sereke dibînin. Weke YRJ bi boneya salvegero roja rojnamegeriya jinên Kurd carekî din em destnîşan dikin ku, berdelê wê çi dibe bila bibe ji bo Şoreşa jinê ku niha li Rojava Kurdisanê Şênber bûye bikin malê hemû jinan, ji bo serdekftina Raperîna Jin jiyan Azadî ku bi berdêlên giran salekî pey xwe hişt bi vîn û azweriyek hê meztir emê bixebitin. Bi vê feraset û biryardariyê em roja Rojnemegeriya jinên Kurd li hemû kedkarên çapemeniya azad pîroz dikin, di kesayeta Şehîdên çapemeniya azad de, hemû şehîdên tekoşîna azadiya Kurdistanê bibîr tînin. “