Hemze Sêvo/ Qamişlo
Di çarçoveya pêngava dem dema azadiya fîzîkî ya Rêber Abdullah Ocalan e û bi dirûşmeya ‘Felsefeya Rêber Abdullah Ocalan ji bo çareserkirin kirîzan stûna bingehîn e’, Kongra Star komcivînek li bajarê Qamişlo li dar dixe.
Kongra Star bi durşmeya ‘ Felsefeya Rêber Apo, ji bo çareseriya kirîza Sûriyê stûna bingehîn e’ li hola Zana ya bajarê Qamişlo komcivînek li dar xist. Komcivînê dio se’at 10’an de dest pê kir û endam, rêveber, çalakvanên jin yê saziyên Rêveberiya Xweser, tevger, saziyên sivîl û partiyên siyasî yên bakur û rojhilatê Sûriyê bi hemû pêkhatên xwe tê de beşdar bûn.
Di destpêka komxebatê de kesên beşdar xulekeke rêzgrtinê li ser giyanê şehîdan rawestiyan, piştî wê ji aliyê endama Kordînasiyona Kongra Star Remziya Mihemed ve gotina vekirina civînê hat kirin.
Ev civîn li ser 4 mijarên girîng hat dabeşkirin, her mijarek jî semînerek digire nava xwe. Herwiha şîroveyên berfireh li ser her semînerekê ji aliyê kesên beşdar ve tên kirin.
Mijarên ku di civînê de tên nîqaşkirin jî li ser mijara rêbertiya li Rojhilata Navîn û rastiya wê bi nerîna Rêber Apo û kompilo, tecrîd, herwiha sîstema ku li Îmraliyê tê meşandin e. Di heman demê de têkildarî pirojeya Netewa Demokratîk modela çareseriyê û Konfederalîzma Jinên Demokrat tê dayîn.
Di riya zomê de endama Insiyatîfa Nûn ya Azadiya Fîzîkî ya Rêber Abdullah Ocalan Sewsen Şoman ji Libnanê û endama Biroya Hiqûqî ya Serdemê parêzer Roziya Aztirk ji Bakurê Kurdistanê tevlî nîqaşên komcivînê bûn.
Hêjayî gotinê ye ku ev komcivîn yek ji çalakiyên pêngava ji bo azadiya Rêber Apo ya fîzîkî li ser asta bakur û rojhilatê Sûriyê tê li darxistin.