Sendîkayên li çar aliyên cîhanê dixebitin, ji bo azadiya fîzîkî ya Rêber Abdullah Ocalan bang kir.
Di 10, 11 û 12’ê Îlonê de li bajarê São Jose dos Campos ê Brezîlyayê di civîna Tora Piştevanî û Têkoşînê ya Sendîkayên Navneteweyî de bi daxuyaniyekê daxwaza azadiya Rêber Abdullah Ocalan hat kirin.
Nûnerên ji çar aliyên cîhanê beşdarî civînê bûn û piştgirî da kampanyaya navneteweyî ya ji bo azadiya Rêber Abdullah Ocalan û bi hezaran girtiyên siyasî yên Kurd ên li Tirkiyeyê.
Daxuyaniya ku di civînê de hat qebûlkirin û ji aliyê endamê Tevgera Sosyalîst a Şoreşger a Brezîlyayê ya Komîteya Hevdîtina Şoreşgeran (CRIR) ve hat pêşniyazkirin, ji aliyê sendîkayên beşdar ve hat îmzekirin.
Di daxuyaniyê de hat ragihandin ku rêxistinên siyasî, civakî û çandî yên Kurdan ji bo azadiya Rêber Abdullah Ocalan di nava kampanyayê de ne û wiha hate gotin: “Kongreya Navneteweyî ya Navendên Karkeran û Sendîkayan li bajarê Sao Paulo yê Brezîlyayê dicivin û ji bo azadiya Abdullah Ocalan ku 24 sal in li Grava Îmraliyê girtiyekê siyasî yê dewleta Tirk e, hevgirtina xwe nîşan dide. Di heman demê de şert û mercên girtîgehê yên êşkencê ku ji aliyê raporên Dadgeha Mafên Mirovan a Ewropayê (DMME) û Komîteya Girtina Ber Li Êşkenceyê ya Ewropayê (CPT) ve hatine piştrastkirin şermezar dike.”