292 Êzidiyên li kampên Duhokê diman, bi dilê xwe vegeriyan Şengalê. Wezareta Koçberiyê û Koçberan a Iraqê got ku ji bo Êzidî vegerin wê bixebite.
Wezîra Koç û Koçberan a Iraqê Îvan Fayeq ragihand ku 292 koçberên din yên Êzidî bi dilê xwe ji kampên Duhokê vegeriyane Şengalê.
Wezîra Koç û Koçberan ya Iraqê Îvan Fayeq di daxuyaniyekê de ragihand ku 292 koçberên din yên Êzidî bi dilê xwe ji kampên koçberan ên li Duhokê vegeriyane ser cih û warên xwe Şengalê.
Di daxuyaniya Wezîra Koç û Koçberan ku bi destên Rojnews’ê ketiye de 292 koçberên Êzidî bi dilê xwe ji kampên koçberan yên li Duhokê vegeriyane ser cih û warê xwe Şengalê. Herwiha Wezîrê ferman daye ku hemû aliyên peywendîdar ku hêsankariyê û pêdiviyên jiyanî û sereke ji koçberên ku vegeriyane Şengalê re dabîn bikin.
Herwiha di daxuyaniya wezîrê de hate gotin ku vegerîna koçberên Êzidî di çarçoveya plana wezareta wan a li ser bingehê bidawîkirina dosyaya koçberan li Iraqê li gel bernameya hikûmetê û bi hevahengiya hêzên ewlekariyê û hikûmetên xwecihî û wiha hate gotin; “Em weke wezaret li xebatên xwe yên tomarkirina koçberên ku dixwazin vegerin ser cih û warên xwe dewam dikin.”