Navenda Nûçeyan / Qamişlo
Yekitiya Parêzeran a Bakur û Rojhilatê Sûriyeyê konferansa xwe ya 2’emîn li bajarê Qamişlo, bi beşdariya zêdetirî 72 parêzerên ji Bakur û Rojhilatê Sûriyeyê li dar dixe û wê konferans 2 rojan dewam bike.
Bi beşdarbûna 72 parêzerên ji bakur û Rojhilatê Sûriyê, Yekîtiya Parêzerên Bakur û Rojhilatê Sûriyê 2’emîn Konferansa xwe li navenda Mihemed Şêxo ya bajarê Qamişlo da destpêkirin.
Di roja yekemîn a konferansê de nûnerên Rêveberiya Xweseriya Demokratîk a Herêma Cizîrê, MSD′ê, TEV-DEM′ê, Desteya Hundirîn a Bakur û Rojhilatê Sûriyeyê beşdar bûn.
Destpêkê endamê Yekitiya Parêzeran a herêma Cizîrê Mihemed Emîn El Neîmî bernameya konferansê ya du rojan aşkera kir.
Piştre li ser navê Saziya Malbatên Şehîdan,TEV-DEM, Meclisa Giştî ya Bakur û Rojihlatê Sûriyê, axaftin hatin kirin. Herwiha ji aliyê Meclisa Cîbicîkar ya Bakur û Rojhilatê Sûriyê û Meclisa Dadmendiya Civakî ya Bakur û Rojhilatê Sûriyê ve axaftin hatin kirin.
Piştire jî piransîpên Rêberê gelê kurd Abdullah Ocalan bi zimanê erebî û kurdî hat xwendin.
Herwiha raporên Meclisa Rêvebirina Yakîtiya Parêzerên Bakur û Rojhilatê Sûriyê hatin xwendin.
Herwiha piştî wê endam ên Dîwana Yekîtiyê hatin hibijartin. Di heman demê de rapor û çalekiyên Yekîtiya Parêzeran hat arastkirin û di ber çavan re hat derbaskirin.
Li gorî bernameyê wê di dawiya roja yekem ya konferansê de, rêziknameya Yekîtiyê Parêzeran bê xwendin û ji aliyê kesên beşdar ve bên niqaşkirin.
Têkildarî lidarxistina konferansê , endamê desteya amadekar a konferansê Mişlib Turkan ji rojnameya axivî û wiha got: “Em di serî de wateyeke girîng didin 2’emîn konferansa parêzeran û bi dilekî şad tevlîbûna xwe destnîşan dikin.”
Mişlib Turkan di dawiya axaftinên xwe de da zanîn ku ew ê wekî parêzer herdem di xizmeta civaka xwe,saziyên Rêveberiya xweser, hêzên leşkerî û hwd… de karê hiqûqî bikin.
Li gorî bernameyê, dê di roja duyemîn ji konferansê de nîqaşên li ser rewşa rêxistinî werin temamkirin û piştre hevserokên yekitiyê, endamên komîteya darayî, endamên dîsîplinê werin hilbijartin û bi encamnameyekê konferans bi dawî bibe.
Hêjayî gotinê ye ku di 13′yê Nîsana 2019′an de li Kobanê Konferansa Damezirîner a Yekitiya Parêzeran hatibû lidarxistin.