Nadine Maenza diyar kir ku dewleta Tirk guhertina demografîk li herêmên dagirkirî pêk tîn e û got, DYA ji bo berjewendiyên xwe rastiyê vedişêre.
Seroka Sekreteriya Desteya Navneteweyî ya Azadiya Olî û lêkolînera Navenda Wilson a Amerîkayê Nadine Maenza têkildarî êrişên artêşa Tirk a dagirker, guhertina demografiya herêmên dagirkirî, her wiha helwesta Dewletên Yekbûyî yên Amerîkayê (DYA) ji ajansa ANHA’yê re axivî.
Nadine Maenza diyar kir ku Tirkiyê bi awayekî eşkere guhertina demografiyê pîk tîn e û got, Tirkiye koçberên ji deverên din tîne û li deverên Kurdan bi cih dike, di heman demê de dest datînin ser malên Kurdan, mesîhî û êzidiyan.
Nadine Maenza da xuyakirin kku DYA di hinek xalan de berjewendiyên xwe yên bi Tirkiyeyê re di ser eşkerekirina heqîqetê re digire û got: “DYA li pêşberî hinek mercan e ku hewl dide Tirkiyeyê nêzî xwe bike û rê li ber wê bigire da ku xwe nêzîkî Rûsyayê neke. Metirsiyên rasteqîn hene ku têkiliyên her du welatan xirab bibin. Lê ya ku Tirkiye dike DYA’yê bi hêrs dike. Yên xetên sor an jî sînoran derbas bikin, qetilkirina sivîlan bidomînin û îstiqrara herêmê xirab bikin, divê ji aliyê DYA’yê ve werin muhasebekirin”.
Nadine bang li Amerîkayê kir ku li hember dewleta Tirk a dagirker bisekine û êrişên wê rawestîne
Nadine Maenza di dawiya axaftina xwe de got kiryarên dewleta Tirk a dagirker ne li gorî berjewendiyên DYA’yê û ne li gorî yên gelê Bakur û Rojhilatê Sûriyeyê ne.
