Jinên Fransayê kampanyayê KJK’ê ya piştgiriya bi jinên Şengal û Efganistanê re silav kir.
KJK’ê bi dirûşma “Li dijî êrîşên mêr ên hegemon em bi jinên Efgan û Şengalê re ne”kampanyayek da destpêkirin. Jinên Fransayî bi du çalakiyan piştgiriya xwe ya ji bo kampanyaya KJK’ê diyar kir.
Çalakiya pêşîn li platoya Larzacê ji aliyê Jinên Enternasyonalîst ve hat lidarxistin. Jinan ev peyam da: “Gava civînên ‘Berxwedanê’, em didin xuyakirin ku bi jinên Efgan û Şengalî re piştevan in. Modernîteya kapîtalîst ku xwe bi bavserweriyê xwedî dike, di koka qetila jin, xweza û jiyanê de cih digire. Bersiva me li dijî van êrişan, wê piştevanî û birêxistinbûna jinan bi perspektîfeke enternasyonalîst be.’”
Çalakiya duyemîn jî ji aliyê Kordînasyona Jinên Femînîst ên Fransayê ve hat lidarxistin. Jin ku piştî çalakiyê hatin ba hev, îşaret pê kir ku 3’yê Tebaxê li Şengalê, 15 Tebaxê li Efganistanê jin hatine qirkirin û li dijî qirkirina jinan peyam ji bo xweparastinê hat dayîn. Jinan wiha kir qêrîn: “Li dijî bavserwerî, hemû dîktatoriyan, bila bijî piştevaniya jinan! Xweparastin li dijî DAIŞ’ê û Talîbanê! Jin, Jiyan, Azadî.”