Herêma Pîşesaziyê ya Girkê Legê ku di nava taxan de cih digire û bûye cihê rê li ber nerazîbaûnê vedike. Li ser daxwazên pîşesazan û şêniyan wê cihê pîşesaziyê bê guhertin. Niha cihek nû hatiye dîtin û xebatên avakirinê dewam dikin.
Şaredariya Gel a Girkê Legê dest bi projeya herêma pîşesaziyê (bajarê sînayî) kir. Dê di herêmê de 280 dikan werin çêkirin.
Herêma Pîşesaziyê ya Girkê Legê niha di nav taxan de cih digire û bûye cihê tengezarî û nerazîbûna şêniyên herêmê. Li ser daxwazên pîşesazan û şêniyan ji sala 2015’an ve dest bi nirxandina projeya veguhastina herêma pîşesaziyê ya derveyî bajêr kir. Lê ji ber nedîtina parçeyek erd, proje paşde hate xistin.
Piştî xebatên şaredariyê û bi hevkariya komîn û meclisan şaredarî parçeyek erd di navbera bajarê Girkê Legê û gundê Gir Ziyarat Cûlî yê li başûrê Girkê Legê de peyda kir.
Projeya avakirina bajarê pîşesaziyê li ser beşdariya pîşesazan hatiye avakirin. Mehane pîşesazan pereyên ku ji aliyê şaredariyê ve berê hatine eyarkirin didin û ev pere ji bo avakirina bajarê pîşesaziyê tê xerckirin.
Li gorî rayedarên şaredariyê, bajarê pîşesaziyê ku dest pê kiriye, 280 dikan û werşeyan dihewîne. Her wiha firehiya kolanên bajêr 25 metre ne û bilindahiya avahiyan 4 metre ye. Di bajêr de baxçeyek fireh li aliyê pêş ve û xetên kanalîzasyonê û xetên ava vexwarinê. Ceyran, telefon û înternet jî dê tê de hebin.
Proje hê jî di asta destpêkê de ye. Niha werşeyek taybet dest bi kolandina bîrekê kiriye. Her wiha dest bi plankirina kolanên bajêr û kolandina xetên kanalîzasyonê kirine. Tê payîn ku dê xebatên avakirinê di çend mehan de bi dawî bibin.
Endamê Rêveber ê Komîteya Teknîkî ya Şaredariya Gel a Girkê Legê Şahîn Besrî diyar kir ku li gorî navçeya Girkê Legê projeya bajarê pîşesaziyê mezintirîn û girîngtirîn projeyan e û tekez kir ku bajarê pîşesaziyê ji aliyê xedemî ve dê were amadekirin…ANHA