Nehîr Pale
Rêber Abdulah Ocalan di destpêka avakirina Tevgera Azadiyê de pirsa em çawa bijîn xiste rojeva gelê Kurd û derbarê wê de pirtûk bi navê em çawa bijîn? nivîsand. Ev pirs ji pirsgirkên jin û civakê re dikare bibe yek ji rêbazên çareseriyê.
Civak û civakbuyîn ji bo jinê stargeh e, lê piştî ku zîhniyeta mêr ê desthilatdar bû, li gorî berjewendiyên xwe sîstem û zagon ji cavakan re diyar kirin, jin rojane rastî tûndiyê tê û encamên qirêj ku mejî û dilê kesekî ranake derdikevin holê. Rêbazê destdirêjî, îhanet, lêdan, girtin, kuştin û hwd ku têgeha tûndî îfadeya wê dike, di nêzîkatiya ji jin re ev buye 7 hezar sale ku berdewam dikin. Li beramberî vê zîhniyetê û van rêbazên ku di encama vê zîhniyetê de têne bikar anîn, wê jin çawa bijî? Di vir de pirsa Em çawa bijîn gelekî watedar dibe û ji bo me girîng e. Li hemberî vê zîhniyetê girî, xeydandin, xwe kuştin, berdan, an jî bêdeng mayîn ne çareserî ye, lê pirsa Em çawa bijîn? dikare çareseriyê bi xwe re bîne.
Em hemû jin şaş jiyan dikin, mîna ku civaka cinsiyetparêz nêzî jin dibe, em jî bi heman awayî nêzî jin dibin. Di navbera nêzîkatiyên me ji hevre û nêzîkatiya mêr ji me re gelekî cûdayî nîne. Li gorî jinê mêr hêza ku pişta xwe bidiyê de. Dema ku mirov bersiv bide pirsa Em çawa bijîn? Bersiva yekemîn ew e ku gelek tiştên em fêrbûne êdî pêdivî heye em bugherînin. Zagonên mejiyê jin sînordar kirine û nahêle ku bifikire pêwîste ku em xwe jê rizgar bikin. Civak bi giştî jinê zeyîf û lewaz dibîne, dibêjin lazime kesek hebe wê biparêze, wê çawa bijî jêre zagonan diyar dikin û jin dibe qurbanê van zagonên jê re hatine dayîn û fikrandina wê sînordar kirine.
Mijara dîtir ku em tê de şaş jiyan dikin; hewldanên me yên xwe ji mêr û civakê re isbat kirin e. Jin heyanî ku saxe her tim di piskolojiya xwe isbat bike dijî. Tu dibêje qey sûc kiriye, gunehbare û heyanî saxe divê xwe isbat bike û bide efû kirin. Dîrokeke jin a gelekî kûr û bi wate heye, li hemberî sîstema baviksalarî têkoşiyaye û li ber xwe da ye, li dijî civaka cinsiyetparêz bêdeng nemaye. Çima koletiya li ser me tê ferzkirin em ji kokê nabirin û rast jiyan nakin?
Jin ji bo xizmetkirina mêr nayê dunyayê, di berdewamiya mirovahiyê de xwedî rolekî sereke ye. Cûdahî di navbera jin û mêr de nîne, eger jin nebe jiyan jî berdewam nake. Niha siloxana Jin, Jiyan, Azadî li ser asta cîhanê bûye reng û hîma têkoşîna jin. Eger em dirûşmeya Jin, Jiyan, Azadî jiyanî bikin, êdî dê mumkin bibe ku em rast bijîn. Jina rêxistinkirî, berpirsyartî radike, têkoşîn dike, xwe perwerde dike, pêşdikeve, jinê digre û ji mêr qut dibe dikare rast bijî. Rêber Abdullah Ocalan yekemîn Rêberê ku azadiya civakê di azadiya jinê de dît û kedekî mezin dide jina azad û têkoşînvan were afirandin. Ji bo em rast bijîn em ê têbikoşin û evîndarê azadiyê bin.