Şêx Mihemed Saqid El Isêdî diyar kir ku dewleta Tirk a dagirker hewl dide fitneyan derxe û vîna pêkhateyên herêmê tune bike da ku dagir bike û got “Bi hevgirtinê me dagirkeriya Fransî derxist û em ê dewleta Tirk a dagirker jî derxin.”
Şêx û rûspiyên Bakur û Rojhilatê Sûriyeyê diyar kir ku dewleta Tirk a dagirker ji destpêka krîza Sûriyeyê ve destwerdan û komplo li dijî gel û herêmê pêk anîn; çete derbasî Sûriyeyê kirin, çek û cebilxane da wan, parçeyên mezin ji herêmê dagir kirin, mal û milkên şêniyan dizîn û demografiya herêmê guhart. Li hember wê divê tevahî pêkhate hevgirtî bin, da ku dagirkeriyê ji xaka xwe derxin.
Şêxê eşîra Binî El Isêdî û berdevkê rûspiyên Minbic û gundewarên wê şêx Mihemed Sadiq El Isêdî behsa rola pêkhateyan a li dijî dagirkeran kir û wiha got: “Rola eşîran û pêkhateyan di rizgarkirina xaka Sûriyeyê ji dagirkeriyên Osmanî û Fransî de mezin bû. Şêniyên herêmê li dijî dagirkeriyê sekinîn û bi yekitiyê dagirkerî bi dawî kir û ji xaka xwe derxist.”
El Isêdî wiha domand:”Dewleta Tirk a dagirker û tevahî dijminên biratiya gelan hewl didin ewlehî û îstîqrara herêmê têk bibin, fitneyan derxin, da ku mozaîka civakê ji hev bixin û vîna gelên azad têk bin, da ku herêmê bi hêsanî dagir bikin.”
El Isêdî wiha pê de çû: “Em ê li hember planên dewleta Tirk a dagirker ên qirêj bisekinin û bi hevgirtinê û xwespartina li fikra neteweya demokratîk wan derxin. Mîna me dagirkeriyên Fransî û Osmanî derxistiye.”
Şêx Mihemed Sadiq El Isêdî wiha dawî li gotina xwe anî: “Divê ji bo Sûriyeyeke pirreng û nenavendî, pêkanîna jiyaneke hevbeş dûrî nakokiyên dewletên çav berdane herêmê ku dagir bikin, têkoşînê dewam bikin.”