Ji bo şermezarkirina êrîşên dewleta Tirk a dagirker yên ser herêmên bakur û rojhilatê Sûriyê li navçeyên Çilaxa, Girkê Legê, Til Hemîs û Til Birakê meşên girseyî hatin lidar xistin.
Ji bo şermezarkirina êrişên dewleta Tirk a dagirker ên li dijî Bakur û Rojhilatê Sûriyeyê şêniyên navçeyên Qamişlo meşên girseyî li dar xistin.
Çilaxa
Şêniyên Çilaxa û gundewarên, endamên meclis, saziyên sivîl û leşkerî, Meclisa Malbatên Şehîdan û endamên Kongra Star, bi diruşma “Birêxistinbûyîna jinan bersiva êrişên dagirkeriyê ye” meşek li dar xist. Meşê li Qada Şehîd Mahsûm dest pê kir û piştî meşê mîtîngek li dar ket.
Di mîtîngê de şehîdên azadiyê hatin bibîranîn û sersaxî ji şehîdên komkujiya dawî re hat xwestin.
Girkêlegê
Di heman çarçoveyê de şêniyên Girkê Legê û endamên saziyên sivîl meşek li dar xist. Welatî li Qada Şehîd Xebat kom bûn, wêneyên şehîdên komkujiya dawîn, alên Kongra Star hildan. Piştî meşê li Çerxerêya Jinan mîtîng hate lidarxistin.
Til Hemîs
Li navçeya Til Hemîsê jî bi sedan şîniyên navçeyê û endamên saziyên sivîl meşek li dar xist û li Çerxerêya Sewamî ya li bakurê navçeyê meş veguherî mîtîngê. Di mitîngê de li ser navê Meclisa Navçeya Til Hemîsê axaftin hatin kirin û tê êrişa dawî ya dewleta Tirk a dagirker li dijî erebeya Meclisa Kantona Qamişloyê hat şermezar kirin.
Til Birak
Bi sedan xelk û endamên sazî, meclisên sivîl û nûnerên partiyên siyasî, şêx û rûspiyên navçeyê li pêş Firina Otomatîk kom bûn û meşek li dar xist. Li naverasta navçeyê meş veguherî mîtîng. Li wir endama rêveber a Meclisa Navçeya Til Birakê Xewle El Nasir axivî û banga azadiya fîzîkî ya Rêber Abdullah Ocalan kir û got azadiya wî garantiya yekane ya demokrasiya li herêmê ye.
Di dawiyê de endama rêveber a Kongra Star a Til Birakê Rexed El Hisên jî bêdengiya navneteweyî li hember sûcên dewleta Tirk a dagirker şermezar kir û got ew ê bi hev re ji bo şikandina êrişên dewleta Tirk têkoşîn û berxwedanê xurt bikin.