Reşo Mihemed/ Qamişlo
Ji bo şermezarkirina tecrîda girankirî ya ji aliyê dewleta Tirk ya faşîst ve ya ku li ser Rêberê gelê kurd Abdullah Ocalan, tê kirin; Îro bi hezaran şêniyên bajarê Qamişlo, bi durşmeya‘ Jin, Jiyan Azadî, Serbixe Azadî’ xwe pêşandanek li dar xistin.
Tevahiya Partiyên Siyasî û Rêxistinî, Saziyên Sivîl û Civakî û Hêzên Ewlekariya Hundirîn jî beşdarî xwepêşandanê bibûn.
Herwiha beşdaran wêneyên Rêber Abdullah Ocalan ber bi jor ve hildabûn û siloganên‘ bê serok jiyan nabe û bijî serok Apo û azadî ji bo Rêberê netewî’ digotin.
Xwepêşandan ji çerxereya Şerq ya rojhilatê Qamişlo di saet 10`an de bi pêşengtiya jinên bajêr dest pê kir û heta çerxereya Sonî dewam kir.
Herwiha beşdaran deqîqeyeke rêzgirtinê li ser giyanê şehîdên azadiyê û tevayiya şehîdên azadiya Kurdistanê feda kirine, rawestiyan û meş li çerxerêya Sonî veguherî mîtîng.
Piştre têkildarî tecrîda girankirî ya li ser rêberê gelê kurd Abdullah Ocalan de tê kirin, berdevka Jinên Ciwan ya bakur û rojhilatê Sûriyê Rîm Dada û rêveberê Insiyatîfa Gel ya bajarê Qamişlo Meisûm Hesen axivîn.
Destpêkê Rîm Dada hemû Şehîdên azdiya kurd û Kurdistanê bi bîr xistin, di berdewamiya
axaftina xwe de tecrîda ku di şexsê Rêber Apo de tê kirin şermezar kir. Heriwha got, Fikir û felsefeya Rêber Ocalan ji bo gelê kurd û hemû gelên azdîxwaz xwegihandina azadiyê ye. fikr û felsefeyê di hundirê Imraliyê de desthilata hikumeta AKP`ê têk bir.
Herwiha di dawiya axaftina xwe de da zanîn ku gelê kurd û hemû gelê azdîxwaz hertim ji bo azdiya Rêber Apo ya fîzîkî têbikoşin.
Piştre Meisûm Hesen derbarê heman mijarê de axivî û got, tecrîda li ser Rêbertî û qedexekirna hevdîtinên bi parêzer û malbata wî re, bêheqiyeke û cîhan ji bo vê yekê bêdeng e. Di berdewamiya axaftina xwe de diyar kir ku gelê kurd û gelê azdîxwaz ji bo azadiya fîzîkî ya Rêber Apo li benda tu hêzên navdewletî û rêxistinên mirovî
namînin, lê wê gelên azdîxwaz hertim li ber xwe bidin. Herwiha di dawî de tekez kir û soz da Rêberê gelê kurd ku wê hertim ji bo azadiya gel û xaka Kurdistanê di xebatê de bin.
Herwiha di saet 11`an de Mîtîng bi silogana ‘Azadî ji bo Rêberê gelê kurd, azadiya Rêber Apo azadiya gelan e û berxwedan berdewam e’ li pêşiya çerxerêya Sonî bi dawî bû.