5’emîn Konferansa Yekîtiya Êzîdiyan A Efrîn Û Şehbayê Tê Lidarxistin
Di bin dirûşmeya “Êzdiyatî Nasname, Çand, Dîrok û Berxwedaniye”Yekîtiya êzîdiyan Efrîn û Şehba 5’emîn konferansa xwe li herêma Şehbayê li dar dixin.
Zana Roj/ Şehba_
Li herêma Şehbayê bi tevlîbûna bi 100’an ji gel, rêxistin û saziyên li herêmê,Yekîtiya Êzîdiyan A Efrîn û Şehbayê 5’emîn konferansa xwe li dar dixin. Konferans li ser asta kar û xebatê 2 salan di bin dirûşmeya “Êzdiyatî Nasname, Çand, Dîrok û Berxwedaniye” hat birêxistin kirin.
Konferans bi deqeyek rêzgirtin hat destpêkirin, her wiha axaftina vekirinê ji aliyê hevseroka Yekîtiya Êzîdiyên Efrînê û Şehbayê Eyşe Sîdo û ji aliyê Hevserokê Tevgera Civaka Demokratîk TEV- DEM Xerîb Hiso ve axaftin hatin kirin.
Her wiha perspektîvên Rêber Ocalan hatin xwendin. Sînevîzyona kar û xebatê 2 salan hat pêşkêşkirin, dîwana konferansê hat derxistin û rapora kar û xebatê 2 salan ji aliyê Orîvan Menan ve hat xwendin.
Eyşe Hiso 5’emîn konferansa Yekîtiya Êzîdiyên Efrîn û Şehbayê li tavahî gelê Kurd pîroz kir û bal kişand ser girîngiya lidarxistina konferasê di vê pêvajoyê de û wiha got: “Yekîtiya Êzîdiyan li Efrîn û Şehbayê ji destpêkirina qonaxa koçberiyê de bi gel re di nava kar û xebat de bû, bi tavahî pêkhateyan re karekî mezin dide meşandin. Li hember polîtîkeyên dijmin yên qirkirinê tu carî bê deng nema û li hember tavahî siyasetên bi taybet li ser êzîdiyan tên meşandin di nava têkoşîneke mezin de ye. Li ser wê esasê lidarxistina konferansekî di vê demê de û girîngiya xebatê xwe nîqaş kirin tê wateya valaderxistina siyasetên dijmin e”.
Di heman çarçoveyê de Xerîb Hiso anî ziman ku bi fikra Rêber Ocalan gelê Êzîdî xwe kir yek û li hember qirkirinê têkoşîn kirin û wiha domand: “Di sedsala 21’emîn de gelê me yê êzîdî bi naskirina fikrê Rêber Ocalan yê ji bo azadiyê karî xwe li hember tavahî hêz û siyasetên qirkirinê biparêze û hebûna xwe weke gelek Kurd yê kevnar îsbat bike. Gelê me bi berxwedanî û têkoşîna xwe îro dikare konferansên xwe li dar bixe û ji cêhanê re bidin diyar kirin ku tu hêz nikare wan têk bibe”.
