Berxwedana xelkê Wargeha Penaberan a Şehîd Rustem Cudî ya dijî têlkirin û dorpêça ser wargehê 15 rojin berdewam dike. Leşkerên Iraqê hîna dora wargehê bernedane û gel jî di binê konan de nobeda xwe berdewam dike.
Ji 20’ê Gulanê ve artêşa Iraqê hewl dide derdora Wargeha Penaberan ya Şehîd Rûstem Cûdî (Mexmûr) xendekan bikole, têl bike û bircan ava bike. Ji roja destpêkê heya niha ango 15 rojin, penaberên Mexmûrê li hemberî vê hewldanê rawestiyane û li ber xwe didin.
Xelkê wargehê 15 rojin bi şev û roj li dijî dorpêçê di nava berxwedanê de ne. Her wiha leşkerên Iraqê jî bi israrin û hewl didin, derdora wargehê bi têlan dorpêç bikin.
Li beramberî van hemû pîlanên ku li hemberî xelkê wargeha Mexmûrê têne meşandin, gel bi şev û roj di nava berxwedanê de ye.
Hêjayî gotinê ye ku Artêşa Iraqê di 20’ê Gulanê de xwest ku derdora Wargeha Penaberan a Şehîd Rûstem Cûdî (Mexmûr) bi têlan bigre. Di 20’ê Gulanê de Hêzên Iraqê bi çekan êrişî xelkê Wargeha Mexmûrê kirin û xelkê Wargeha Mexmûrê jî bi keviran bersiva wan da. Di encama gulebarana artêşa Iraqê de ciwanê bi navê Ehmed Emer Mijînî birîndar bû û rakirin nexweşxaneyê.
