Hevdîtina Rojava ya çaremîn ya hunera şêwekariyê hate vekirin

Birûc Resûl/Qamişlo_

Desteya Çand û Hunerê ya Herêma Cizîrê, bi dirûşmeya “Bi hevre em ê, bikin ku huner buhara dilan be” 8`e mîn Pêşangeha hunerî û hevdîtina Rojava ya 4`e mîn ya hunera şêwekariyê, li bajarê Qamişlo, vekir. Her wiha bi tevlîbûna 109 hunermendan.

Rêveberiya Çanda Bakur û Rojhilatê Sûriyê di çarçoveya hevdîtina xwe ya 4`e mîn de li Rojava, di bin diruşmeya ” Bi hevre emê, bikin

 ku huner buhara dilan be ”  di çarçoveya hevdîtina xwe ya 4`e mîn de li Rojava, 8`e mîn pêşangeha hunerên bedew li Navenda Mihemed Şêxo ya Çand û Hunerê ya bajarê Qamişlo lidar xist. Di 28`ê Gulanê, bi beşdariya (109) hunermendên ji herêmên cuda yên bakur û rojhilatê Sûriyê, bi armanca pêşxistina hunerê û piştgiriya hunermendan.

Vekirina pêşangehê bi deqeyekî rêzgirtinê ji bo giyanê şehîdan dest pê kir û piştre li ser navê Rêveberiya Xweser a Bakur û Rojhilatê Sûriyê û cîgira Hevserokatiya Meclisa Rêveberiya Xweser Keberîl Şemhûn ve axaftin hate kirin.

Di destpêkê de vekirina vê pêşangehê li hemû hunermendên jin û mêr û li bakur û rojhilatê Sûriyê pîroz kir. Her  weha rola huner û hunermendan weke beşeke girîng di karê Rêveberiya Xweser de diyar kir û destnîşan kir ku ewê berdewam bin, li ser piştevanî û pêşxistina hunerê û desteka ji bona hunermendên ku xwedî dîtinên têgihîştî û tabloyên diyarker in.

Desteya Çandê ya Bakur û Rojhilatê Sûriyeyê di dawiya pêşangehê de, komîteyek ji bo bidestxistina tabloyên herî baş ava kir, tê plankirin ku pêşangeh 3 rojan berdewam bike, ji 28`ê Gulanê heya 30 gulanê.