Dîroka PDK’ê ji xiyanetê dagirtiye, ji sala PDK avabûyî heya niha dijî Kurdan bi neyarên Kurdan re di nava têkiliyan deye û dijî Kurdan komkujiyan pêktîne. Yek ji xiyaneta PDK’ê, Komkujiya Hewlêrê ya di 16’ê Gulana 1997’an deye. Di encama êrişa bê bext de nêzî 80 gerîlayên PKK’ê yên birîndar ku di nexweşxaneya Hewlêrê de diman û xebatkarên nexweşxaneyê hatin qetil kirin. Hîn jî cenazeyê şehîdên Hewlêrê radestî malbatên wan nehatine kirin.
Komkujiya Hewlêrê çawa pêkhat?
Komkujiya di 16’ê Gulana 1997’an li navenda bajarê Hewlêrê ya Başûrê Kurdistanê de pêk hat, hîna jî li benda ronîkirinêye. 26 sal bi ser komkujiyê re derbaz bû, di dîroka 16’ê Gulana 1997’an de hêzên PDK’ê bi leşkerên Tirk yên di bin navê Hêzên Aşitiyê ku li herêmê li ser kar bûn re, êriş kirin li ser gelek saziyên ku Heyva Sor a Kurdistanê jî di navê de bû, bi dehan kesên bêparastin qetilkirin. Tevî ku 26 sal li ser vê komkujiya Hewlêrê re derbaz bûye jî hîn jî cenazeyê kesên şehîd bûyîn radestî malbatên wan nehatiye kirin. Heya cihê ku cenaze lê hatine veşartin jî nayê zanîn.
Di sala 1997’an de di navbera PKK û PDK’ê de agirbest hebû û PDK’ê gotibu ku ew li dijî gerîlayan alîkariya leşkerên Tirkiyeyê nakin. Lê PDK’ê soza xwe pêkneanî.
Piştî ku PDK’ê soza xwe pêkneanî, çekdarên PDK bi awayeke hemwext hem êrişê nexweşxaneyê kirin hem jî êrişê Navenda Giştî ya Yekîtiya Netewî ya Demokratîk ya Kurdistanê (YNDK), ofîsa Navenda Çanda Mezopotamya ya Hewlêrê, Komeleya Yekîtiya Jinên Azad ya Kurdistanê (YAJK), êrişê rojnameyên Welat û Welatê Roj jî kirin û bi çekên giran van saziyan gulebaran kirin. Di êrişên ku li ser van saziyan çêbû de gelek mirovên bêparastin jiyana xwe ji dest dan. Operasyona binçavkirin û girtinê ya piştî êrişê dan destpêkirin, bi mehan berdewam kir.
Di encama êrişê de 52 gerîlayên birîndar, karmend û welatiyên li nexweşxaneyê hatin qetil kirin. Kesên ku hatîn dîl girtin jî piraniya wan hatin qetil kirin. Yanî PDK’ê bi hevkariya Tirkiyeyê bi giştî nêzî 80 kesên bê çek qetil kirin.
Piştî komkujiyê, PDK’ê cenazeyê gerîla û karmendên nexweşxaneyê radestî malbatên wan nekir. Tê gotin cenazeyê hinek ji kesên hatîn qetil kirin, li nêzî balafirxaneya Hewlêrê hatine veşartin.
Xizmên kesên di komkujiya Hewlêrê de hatine windakirin û şehîdkirin û komeleya Hêvî ya ji bo piştgiriya qûrbaniyên şer, ji bo dîtina cenazeyê şehîdan bi salane daxwazname radestî lijneya Mafê Mirovan ya Parlamentoya herêma Kurdistan, Komeleyên Mafê mirov û Parlamentoya Iraqê kirine.
Li gorî daxuyaniyên malbatên şehîdan, hîn jî ti bersivek ji bo wan nehatiye dayîn. Tenê soza bi cihanîna daxwazên wan hatiye dayîn, lê di pratîkê de tiştek nehatiye kirin. Bi taybet PDK tucaran li ser vê bûyerê ne axiviye.
Careke din ev kiryar dubare dibin, PDK`ê dixwaze şerekî nû biafrîne ku xizmeta dagirkeriya Tirk dike. Ji 24`ê Nîsana 2021`an ve êrişên artêşa dagirker ên di bin navên cuda de li Avaşîn, Zap û Metînayê ranewestiyan ku bi hevkariya hêzên PDK’ê tên kirin.
Armanca van êrişan, dorpêçkirina PKK`ê di erdnîgariyeke teng de li Başûrê Kurdistanê ye. Yanî dixwaze bi temamî wan hêzên di çend salên bê de tune bike. Em dikarin bikaranîna çekên kîmyewî û hovîtiya şerê tê kirin, di vê çarçoveyê de pênase bikin. Lê destên NATO, Ewropa û DYA`yê de van êrişan de hene.
PDK`ê jî, Kurdên Rojava di bin navê Pêşmergeyên Rojava de di şerê li dijî gerîla de bi kar anîn. Lê ya rast ev pêşmerge, ji Rojava reviyan û li beramber pereyan bûn çete.
PDK`ê di 28`ê Tebaxa 2021`an de, li herêma Xelîfanê ya Başûr Kurdistanê, kemîn danî pêşiya komeke gerîla ku ji 7 şervanan pêk tê. Di encamê de 5 ji wna şehîd bûn û ji ber nebûna agahiyan, tê gotin ku yek dîl hatiye girtin. Yê din jî bi saxî vegeriya cihê xwe. Niha PDK`ê cenazeyên wan şehîdan li cem xwe dihêle û radestî malbatên wan nake.
PDK dijî Kurdan vê komkujiyê tenê ne kiriye, di roja me ya îro de jî bi dewleta Tirk re di nava hevkariyeke xurt deye. Bi taybet dijî gerîlayên azadiyê yên ku Kurdistanê diparêzin, di nava xiyanetek mezin deye. PDK bû sersebebê ku bi dehan gerîla bi gazên kîmyawî şehîd bikevin. PDK di roja meya îro de jî dibe sedem ku dijî sivîl û şoreşgerên Kurd, ji aliyê dewleta Tirk ve komkujiyên mezin pêkwerin.