Ji bo şermezarkirina tecawiza li ser zarokên herêma Efrînê ji aliyê çekdarên ser bi dewleta Tirk ya dagirker ve, Meclisa Jin ya Partiya Yekîtiya Demokrat (PYD) daxuyaniyek da.
Norşîn Sîno/Qamişlo
Îro di saet 12`an de, ji bo şermezarkirina tecawiza li ser keçên herêma Efrîn ji aliyê çekdarên ser bi dewleta tirk ya dagirker ve , Meclisa Jin ya Partiya Yekîtiya Demokrat (PYD) li navenda giştî ya PYD li bajarê Qamişlo daxuyaniyek da.
Di daxuyaniyê de jinên Partiya Yekîtiya Demokrat (PYD) amade bûn.
Daxuyanî wiha ye:
Zihniyetên baviksalarî yên tam ji mezintirîn dijminê jinê ye. dîrok şahidê tiştên ku wan zihniyetan pêk aniye.
Her gava ku jin bi ser diket û karîbû maf û hêza xwe vegerîne nijadperestî û zordarî li pêşiya wê derdiket.
Di şoreşa me de şoreşa azadî û demokrasiyê, ku bi navê jinê hatiye nasîn destkeftiyên mezin hatine bi destxistin di tevahiya waran de çi leşkerî, siyasî û civakî û ji bilî wê karîbû bighêje astên herî bilind ku bi îrade û vîna xwe serkeftin pêk anîn.
Lê para herî mezin ji jinê re bû ji êş, koçberî û qirkirinê, armanca herî mezin ji dijmin re bû bi taybet dewleta Tirk ya faşîzim, yê ku di wê baweriyê de ye ku têkbirina şoreşê girêdayî têkbirina jinê ye, îro em li herêmên di bin dagirkeriya Tirk û çeteyên girêdayî wê dibînin ku ji hovtirîn sûcên derheqê mirovahiyê pêk tîne, ji kuştin, koçberî û girtina mezinan heya bi zarokan.
Çeteyên girêdayî dewleta Tirk herî dawî destdirêjî derheqê du zarokan li bajarê Efrîna dagirkirî pêk anî, hemû mafên jinan û zaroktiyê derbas kirin.
Em di Meclisa Giştî ya Partiya Yekîtiya Demokrat PYD van sûcên hovane yên ku li herêmên dagirkirî çêdibin şermezar dikin, daxwaz ji tevahiya saziyên civaka sivîl û rêxistinên mafên mirovan dikin ku destwerdanê bikin û wan çeteyan muhasebe bikin ji ber ku zaroktî û mirovahî di hebûna wan hêzên çekdar de di xeteriyê de ye.
Em ji hemû jinan dixwazin, li hemberî tevahiya şêwazên tundiyê têkoşînê bilind bikin.
Em destek bin li hemberî zilm, kuştin û tundiyê.
