Komîteya Şilêr a Parastina Zarokan têkildarî sûcên tecawiz û destdirêjiya li dijî zarokên li Efrînê bi daxuyaniyekî nivîskî anî ziman û gotin: Tecawzia jin teçawiza xwezayê û çanda gelan e. Her weha komîteya Şilêr binpêkirin û sûcên dij mirovî û hovane yên rûdidin şermezarkirin.
Helwest û nerazîbûnên li beramberî kiryarên ku ji aliyê dewleta Tirk û hêzên desthiladr ve zêde dibin û gel her roj bang li aliyên peywendîdar dikin da ku destdirêjî û tecawiza li beramberî zarokan bêne rawestandin û sûcdarên wan werin dadgehkirin.
Girêdayê vê yekê û ji bo şermezarkirina van kuştin û tecawizkirina zarokan, Komîteya Şilêr a Parastina Zarokan daxuyaniyeke nivîskî ji bo raya giştî da.
Di daxuyaniyê de wiha hat gotin: Kiryarên ku dewleta tirkiyê li heremên dagirkirî li hemberî gelê kurd dide meşandin û bi êrîşên leşkerî, siyasî, şerê taybet û revandina zarokan û tecawizkirin dide meşandin. Ev hemû sûcên dijmirovî ne, û pêwîste ji milê saziyên parastina mafê mirovan ên navnetewî ve werin dadgehkirin. Rojane zarok dibin qurbaniyên van êrîşan û jiyana wan a zarokatiyê didin fetisandin û ev bûyer rojane û li ber çavê cîhanê têne meşandin û tû kes dengê xwe jêre nake.
Daxuyanî wiha domand: Di dîroka 6-5-2023 an de li Efrînê keçek bi temenê xwe yê 10 salî ji aliyê endmê girûba al amşat ya girêdayî dewleta Tirkiyê bi navê Ehmed Memdûh hate teçawizkirin.
Ev bûyer li pêş çavê dayika wê hate çêbû lê dayka wê nikarîbû parastina keça xwe bike û ji destê wî xilas bike.
Di dawiya daxuyaniyê de wiha hat gotin:” Ev bûyer ne bûyera yekem e, kû li herêmên dagirkirî diqewimin û rojane bûyerên bi vî rengî rûdidin û dagirkerên tirkiyê ne tenê tecawzia jin û zarokan dike lê tecawiza xwezayê û çanda gelan dike. Li heremên dagirkirî rojane gelek kiryarên dijmirovî têne jiyankirin, lê ji ber ku derfetên ragihandina wan pir zor e, gelek ji wan bûyeran di tariyê de dimînin.
Ji bo kû ev bêdengî berdewam neke, em bi navê komîteya şilêr ya şopandina mafê zarokan li bakur û rojhilatê suriyê û bi navê zarokên her çar perçeyên kurdistanê bang dikin kû ev bê dengî berdewam neke û tecawizkar di dadgehên navnetewî de wein dadgehkirin.
