Endamê Rêveberiya YNK’ê Bêstûn Saburwayî diyarkir ku Hikumet tenê ya Mesrûr Barzanî û Saziya Parastinê ye. Bêstûn dibêje; “Divê hikumetek Herêma Kurdistanê ji bo hemû xelkê were avakirin.”
Dewleta Tirk a dagirker bê navber li Herêma Kurdistan û ser xaka Iraqê sivîl û pêşengên gelê Kurd dike hedef. Herî dawî balafirxaneya Silêmaniyê kir hedef.
Endamê Rêveberiya YNK’ê Bêstûn Saburwayî derbarê êrişê de li ser malpera xwe ya tora civkî nivîsek parvekir.
Bêstûn di nivîsa xwe de dibêje; “Hikumeta Kak Mesrûr Barzanî tenê hikumeta wî û ya Saziya Parastinê ye. Divê bê cesaretiya me hemû biçe û hikumetek Herêma Kurdistanê ya ji bo hemû xelkê were avakirin.”
