Serhildana ‘Jin, Jiyan, Azadî’ ya li Rojhilatê Kurdistan û Îranê 203’ê roj li pey xwe hiştin. Li gorî rêxistinên mafên mirovan heya niha 537 kes ji aliye hêzên rêjîma Îranê ve hatine qetilkirin. Tevî kuştin û işkencekirinê jî, serhildan bi çalakiyan cûda dewam dikin.
Navenda Nûçeyan
Serhildana ‘Jin, Jiyan, Azadî’ ya li Rojhilatê Kurdistan û Îranê ku di 16’ê Îlona 2022’yan de dema ku leça kurd Jîna Emînî li Tehranê ji aliyê polîsên exlaqî ve hat qetilkirin, dest pê kir, 203 roj lipey xwe hişt. Serhildanên ku li Seqizê dest pê kirin di demeke kurt li tevahiya Rojhilatê Kurdistan û Îranê belav bû.
Rêjîma Îranê li hemberî serhildana gel xwe negirt û dest bi kuştin, revandin û işkencekirinê kir.
Li gorî daneyên Rêxistina Mafên Mirovan a Îranê (ÎHR) di nava 203 rojan de herî kêm 537 kes ji aliyê hêzên dewletê ve hatine qetilkirin. Herwiha 4 xwepêşander jî hatin darvekirin. Di heman heyamê de 180 jê bi sûcê tiryakê 309 kes hatin darvekirin. ÎHR’ê bertek nîşan da ku ’Komara Îranê cezayê îdamê wekî alaveke tirsandinê bi kar tîne’da zanîn ku civaka navneteweyî bertekê nîşanî van darvekirinan nade. Di meha Îlonê de 223 kes hatibûn qetilkirin. Di Cotmehê de 100, di Mijdarê de 173 kes hatin qetilkirin. Di meha Kanûnê de hat diyarkirin ku 25 kes hatine qetilkirin.Di navbera 17-30’ê Îlonê de 5 kes, di Cotmehê de 30, di Mijdarê de 57 û di Kanûnê de 72 kes hat qetilkirin. Li aliyekê din jî heta niha bi hezaran kes bi tihmeta beşdarbûna xwepêşandana di girtîgehên rêjîma Îranê de ne û rojane tên işkencekirin.