Êrîşên artêşa Tirk a dagirker yên li dijî Qadên Berxwedanê yên Gerîlayên Azadiyê bê navber dewam dikin. Dagirkerî rojane bi tang, top, hawan û tevahiya çekên giran û qedexekirî êrîş dike.
Navenda Nûçeyan
Navenda Ragihandin û Çapemeniyê ya HPG’ê ragehand ku di 7’ê Nîsanê de dagirkeran êrîşî çeperên berxwedanê yên Sîdayê kirin, hêzên me ji bo parastina xwe bersiv dan û pevçûn çêbû. Herwiha di 7’ê Nîsanê de herêma Girê Bahar carekê bi balafirên şer hate bombekirin.
HPG’ê da xuyakirin ku di 7’ê Nîsanê de Qada Berxwedanê ya Girê Cûdî û çeperên berxwedanê yên Çemço û Sîdayê 26 caran bi helîkopterên êrîşê, obus, tank û çekên giran hatin bombekirin.
Artêşa Tirk a dagirker 41 caran Herêmên Parastinê yên Medyayê bombebaran kirin.
HPG’ê da zanîn ku di 6’ê Nîsanê de derdora gundê Bêbadê yê Garê, berpalên Xêrê û çeperên berxwedanê yên li Sîdayê bi balefirên şer 8 caran hatine bombekirin. Di 5 û 6’ê Nîsanê de Qadên Berxwedanê yên Girê Cûdî, Girê Fm, çeperên berxwedanê yên Çemço û Sîdayê bi helîkopterên êrişê, obus, tank û çekên giran 33 caran hate bombekirin.
Artêşa dagirker 83 caran êriş kir
HPG’ê diyar kir ku di 4’ê Nîsanê de Qadên Berxwedanê yên Girê Bahar, Girê FM û Girê Cûdî, Çemê Lolanê ya Xakurkê, Qada Girê Şehîd Heqî, çepereyên me yên berxwedanê yên li Çemço û Sîdayê, bi hawan, obus, tank û çekên giran 83 caran hatine bombekirin.
Hêjayî bibîrxistinê ye ku tevî biryara KCK`ê ya bêçalakiyê, artêşa Tirk a dagirker êrişên bejahî û hewayî li dijî qadên berxwedanê yên gerîla dewam dike û roj bi roj zêdetir dike.