Tifaqa Ked û Azadiyê derbarê hilbjiartinan de civîneke çapemeniyê li dar xist û diyar kir ku ewê di vê hilbijartinê de bi ser bikevin.
Navnenda Nûçeyan
Tifaqa Ked û Azadiyê, bi civîneke çapemeniyê helwesta xwe ya têkildarî hilbijartinina eşkere kir.
Civîna çapemeniyê li avahiya Yekitiya Mulkiyeyiyan a li Enqereyê hat li darxistin û Hevberdevkê Giştî yê Partiya Çep a Kesk Îbrahîm Akin, Hevserokê Giştî yê Partiya Demokratîk a Gelan (HDP) Mîthat Sancar, Serokê Giştî yê Partiya Karkerên Tirkiyeyê (TÎP) Erkan Baş, Serokê Giştî yê Partiya Tevgera Karkeran (EHP) Hakan Ozturk, ji Federasyona Meclîsên Sosyalîst (SMF) Erdal Ataş, endama Lijneya Berdevkên Partiya Azadiya Civakî (TOP) Perîhan Koca û Serokê Giştî yê Partiya Kedê (EMEP) Ercument Akdenîz ên di Tifaqa Ked û Azadiyê de cih digirin beşdarî civînê bûn.
Di civînê de Î hevberdevkê Giştî yê Partiya Çep a Kesk brahîm Akin axivî û wiha got: “Tifaqa ME ya ku avakirina pêşeroja demokratîk a Tirkiyeyê dike armanc wê ji hilbijartinan piştgiriyeke mezin a gel bigire û ji aliyê kedê, aştiyê, demokrasiyê ve nûnertiya Meclisê ya bi hêz bi dest bixe.”
Akin,diyar kir ku EHP, EMEP, HDP, SMF û TOP a di nava tifaqê de cih digirin wê li 81 bajaran ji lîsteyên Partiya Çep a Kesk bi awayekî hevkar bikevin hilbijartinê, TÎP jî wê li 49 bajar û 52 herêmên hilbijartinê bi logoya xwe bikevê û li hemû bajarên din wê piştgiriya Partiya Çep a Kesk bike.
Akin di dwamiya axaftina xwe de wiha got: “Hemû herêmên hilbijartinê yek bi yek hatine lêkolînkirin, parlamenterên ku HDP’ê di demên borî de qezenckirine berçav hatine wergirtin, hem ji aliyê deng hem jî ji aliyê parlamenteran ve qezenckirin hatiye armanckirin. Di encama van nirxandinan de em dixwazin ji we re ragihînin ku rêbazek li ser li hev hatiye kirin ku armanca zêdekirina hejmara parlamenteran bibe rastiyek.”
hevberdevkê Giştî yê Partiya Çep a Kesk brahîm Akin di dawiyê de wiha got: “Em di wê baweriyê de ne ku ev biryara me wê xizmetê ji gelên bindest, kedkar, karker, jin, ciwan û hemû beşên gelan re bike, bi hemû pêkhateyên wê re wê Tifaqa Ked û Azadiyê di hilbijartinan de ser bikeve. Bila ji hemû karker, kedkar, jin, ciwan û gelên me re li ser xêre be. Em ê bi hev re qezenc bikiln. Gel wê qezenc bikin.”
