Nûnertiya Kongreya Star ya Başûrê Kurdistanê bi boneya salvegera damezrandina YPJ’ê xelata rêzgirtinê diyarî fermandara pêşmergeyan ya YNK’ê Rêzan Reşîd kir.
Nûnerên Kongreya Star li Başûrê Kurdistanê Roza Hesen û Silava Silêman bi boneya salvegera damezrandina Yekîneyên Parastina Jin (YPJ) serdana biryargeha pêşmergeyên jin yên ser hêzên 70’ê li Silêmaniyê kir.
Nûnerên Kongreya Star li Başûrê Kurdistanê di serdanê de xelata YPJ’ê pêşkêşê fermandara pêşmergeyên jin Rêzan Reşîd ya ser bi hêzên 70’ê (YNK) kir.
Fermandara pêşmergeyan Rêzan Reşîd jî 10’emîn salvegera YPJ’ê pîroz kir û got: “Jinên Rojava îspatkirine ku dikarin hemû jinan biguherin. Serkeftina beramber bi dijminê herî mezin yê mirovahiyê DAIŞ’ê îspata wêrekiya wane.”
Fermandar Rêzan di dewama axaftina xwede got: “YPJ ji bo xebatên netewî û jinan xwe daye ber guleyên dijminan.”
Di dawiya axaftina xwede jî fermandar Rêzan pîrozbahî li YPJ’ê kir û serkeftinê jêre xwest.
YPJ bi armanca têkoşîna bi El-Nûsra û DAIŞ’ê re di 4’ê Nîsana 2014’an de hatiye damezrandin. Niha li seranserê Rojavayê Kurdistanê û li herêmên Bakur û Rojhilatê Sûriyê bi hezaran şervanên xwe yên ji pêkhateyên Kurd, Ereb, Asûrî-Siryanî û Tirkmen heye.
