YNK`ê diyar kir ku rawestandina rêwîtiyên hewayî yên şîrketeke Tirkiyeyê ber bi Silêmaniyê ve karekî ne yasayî û hewldanek tevliheviyê ye û diyar kir “Em ê heta dawiyê piştgiriya xebatên çar parçeyên Kurdistanê bikin.”
Duh berdevkê Balafirxaneya Navneteweyî ya Silêmaniyê Hindirîn Hîwa Muftî ji Rojnewsê re ragihand ku şîrketa Turkish Airlines hemû seferên di meha Nîsanê ji bo Silêmaniyê, rawestandine.
Buroya 3 ya Yekitiya Nîştimanî ya Kurdistanê (YNK) ya Hewlêrê têkildarî mijarê daxuyaniye belav kir. Daxuyanî wiha ye:
“Em piştgiriya xebata her çar parçeyên Kurdistanê, pîrozbahiya Newroza Amedê û helwesta Bafil Talebanî ya li ser firotina nefta Herêma Kurdistanê ya ji aliyê şîrketa SOMO’yê ve dikin. Tirkiyeyê rêwîtiyên asmanî yên ji bo Silêmaniyê rawestandin. Ev ambargo karekî ne yasayî ye û hewldaneke tevliheviyê ya ji aliyê Tirkiyeyê ve ye ku dijî parçebûna Iraq, Herêma Kurdistanê û herêmên di bin kontrola YNK’ê de ye.
Ev biryar piştî gefa wezîrê parastinê yê Tirkiyeyê Hulusî Akar ya 2 roj piştî ketina helîkopterên hêzên li dijî terorê yên Rojavayê Kurdistanê hat. Wek gefeke rasterast li YNK’ê kirin û gotin ger piştgiriya PYD’ê bigihe heya asmanî û balafiran, divê li benda rawestandina esman jî bin.”
