Tevgera Ciwanên Şoreşger a Sûriyeyê ya kantona Girê Spî radestkirina gerîla Harûn şermezar kir û bang kir ku hesab ji ajan û xayînan bê pirsîn. Her wiha soza mezinkirina têkoşînê da.
Tevgera Ciwanên Şoreşger a Sûriyeyê ya kantona Girê Spî têkildarî radestkirina gerîla Harûn daxuyaniyek da.
Endamê tevgerê Mecid El Himêdî daxuyanî xwend. Endamên tevgerê li navçeya Eyn Îsayê û koçberên kantona Girê Spî tev li xwendina daxuyaniyê bûn.
Di daxuyaniyê de tevgerê radestkirina gerîla Harûn şermezar kir û destnîşan kir ku ajan ji vê bûyerê dixwazin bandorê li xeta berxwedanê bikin.
Her wiha tevgerê rola gerîla Harûn di parastina gel û axê de silav kir û diyar kir ku gerîla Harûn di nava HPG`ê de li hember dagirkeriyê şer û di hemû qadên berxwedanê de cihê xwe girt.
Di dawiyê de tevgerê bang kir ku hesab ji ajanan bê pirsîn û pêwîstiya mezinkirina têkoşînê û piştgiriya berxwedanê heta pêkanîna serkeftinê, destnîşan kir.
