Hevberdevka GOÇÎZDER’ê Pinar Kamîle Kandal diyar kir ku li Stenbolê wan xwe gihandine hezar kesên ji herêma erdhejê koç kirine û got “Koçberên ji ber erdhejê bi hevgirtinê li ber xwe didin.”
Hevberdevka Komeleya Şopandina Koçê (GOÇÎZDER) Pinar Kamîle Kandal xebatên xwe yên li ser kesên ji herêmên erdhejê koç kirine nirxand.
Kandal diyar kir Komeleya Şopandina Koçê, HDP, HDK, DBP û Partiya Kesk a Çep bi hev re ji bo malbatên ji herêmên erdhejê hatine Stenbolê xebat dane destpêkirin û got “Me serdana malbat û kesên mexdûrên erdhejê yên ku hatin navçeyên Stenbolê kir. Me xwe gihand nêzî hezar malbatê. Me alîkariya xwarin û cilan da van malbatan. Di serdanên xwe de me li wan guhdarî kir, me têkilî danî û me bi wan re hîs kir ku em bi hev re ne. Piraniya malbatên ku tên malbat û kesên ku xizmekî wan ê nêzîk an jî xizmekî wan heye. Mînak, yên ku xwedî zarok, xwişk û bira, xizmên wan in. Me bi rêya kesên ku bi dilxwazî malên xwe vekirine, ji bo kesên ku cihê wan tune ye mal saz kir. Hin malbatên xwebexş gotin ku ew dikarin 3 mehan, hin 6 mehan û hin jî 1 salekê li cem me bimînin an jî li mala me ya vala bimînin. Bi qasî ku ji destê me hat me li nexweşxaneyê serdana birîndaran kir. Em çûn serdana malbatên qelebalix ên li otêlan dimînin. Hin malbat piştî ku hatin Stenbolê piştî demeke kurt çûn bajarekî din.”
Kandal derbarê hejmara kesên ji herêmên erdhejê koç kirine got “Ji Meletî, Semsûr, Hatay û Mereşê koça ber bi Stenbolê zêdetir e. Raporên me yên li ser vê xebatê berdewam dikin. Di rojên pêş de em ê rapora erdhej û koçberiya Stenbolê pêşkêşî raya giştî û çapemeniyê bikin. Her wiha malbatên ku me xwe gihandibûn û gihîştin me hîn jî berdewam dikin. Em hewl didin ku bi qasî ku ji destê me tê bibin piştgirî. Em hewl didin di van rojên dijwar de bibin yek.
Ji herêma erdhejê herî zêde koçî Mêrsîn, Antalya, Enqere, Mêrdîn û Wanê bûn. Ji bilî van bajaran koçberiya Amed, Îzmîr û Stenbolê jî heye. Mînak em dizanin ku 200-300 hezar koçber li Mêrsînê hene. Li gorî daneyên ne fermî li Stenbolê derdora 40 hezar koçber hene. Ji bilî kesên ku li cem xizm û nasên xwe bi cih bûne, gelek kes jî hene ku ji aliyê dewletê ve li malên xwendekaran, li otêl û li hin tesîsên şaredariyê tên bicihkirin. Lê li vir bi tenê dikarin mehekê bimînin. Piştî mehekê derketinê li ser mirovan ferz dikin. Ev jî heye kesên ku li gundan malên wan hene, çûne gundan. Bi rastî me dît ku koça ji herêma erdhejê bi piranî ber bi derûdora herêma erdhejê ve, yanî ber bi bajarên nêzîk ve ye. Mînak Stenbol cihek e ku bi gelemperî gelek koçberî lê tê kirin, lê ji bajarên ku me behs kirin koçberî kêm e.”
Kandal diyar kir ku gelek xwebexş, çi li bajarên xwe yan jî li Stenbolê, hewl didin ku alîkariya van kesan bikin ku bandorên wêranker ên erdhejê derbas bikin û got “Her wiha em dizanin ku li bajarên ku mirov koç kirine, kirê gelek zêde bûne. Em dibin şahid ku kirê du kat zêde bûye. Bi taybetî li Mêrsîn, Entalya û Enqereyê û li Stenbolê ji ber ku ev demeke dirêj e ku kirêya xaniyan ewqas zêde bûye, ev rewş ne nû ye.”
Hevberdevka Komeleya Şopandina Koçê Pinar Kamîle Kandal bal kişand ser alîkariya psîkolojîk û got “Pêdiviya her kesî bi piştgiriya psîkolojîk heye. Ji ber ku ew her tim dixwazin qala kêliyên ku dijîn bikin. Ew dixwazin ku hûn guh bidin zor û zehmetiyên ku ew tê re derbas dibin. Bi taybetî yên ku ji bin kavilan derdikevin travmayên wan ên derûnî yên girantir hene. Aliyê civakî, psîkolojîk, koç û aboriyê yê erdhejê didome û wê demeke dirêj bidome jî. Komeleya me jî xebatên xwe didomîne. Salên giran li pêşiya me ye lê em ê bi hevgirtinê xwe ji vê rewşa zehmet rizgar bikin.” ANF