Partiyên Siyasî yên bakur û Rojhilatê Sûriyê bi daxuyaniyekê komkujiya Cindêrisê şermezar kirin û bang civaka navneteweyî kir ku bi erkê xwe rabe.
Norşîn Sîno \Qamilo
Partiyên Siyasî yên Bakur û Rojhilatê Sûriyê, bi daxuyaniyekê komkujiya Cindêrisê ku li ser destê çeteyên dewleta Tirk a dagirker pêk hatibû, şermezar
Di 20 Adara 2023’an de, dema welatiyên kurd ên Cindêrisê xwestin agirê şeva Newrozê dadin, rastî êrîşekî hovane yê komên çete yê girêdayî dewleta Tirk a dagirker hatin û di encamê de çar ciwanên Kurd ku ji heman malbatê ne jiyana xwe ji dest dan.
Partiyên siyasî di daxuyaniya xwe de dan zanîn ku Komek çete girêdayî çeteyên Ehrar El Şerqiyê, gule li dijî ciwanên kurd yên Cindêrsê ku agirê Newrozê dadabûn, reşandin. Di encamê de çar welatiyên kurd jiyana xwe ji fest dan û gelek welatî jî birîndar bûn.
Partiyên siyasî diya kirin ku ev êrîşa hovane rastiya kiryarên dewleta aTirk û çeteyên wê yên ku li herêmên dagirkirî pêk tên derdixe holê û wiha got: ”
Li Efrîn ev pênc sale ku dizî, talankirin, revandin û eşkencekirina welatiyên bênavber dewam dike. Herwiha ji bo guhertina demografî malbatên çeteyan li malê welatiyên Efrînê yên resen hatin bicihkirin. Dewleta Tirk a dagirker û Koalisyon Navneteweyî li hemberî kiriyarên nemirovî berpirsyarin.”
Partiyên siyasî bang li civaka navneteweyî kir ku bi lez tevger bike ji bo bidawîkirina dagirkeriya tirk li ser Efrînê, Girê spî, Serê kaniyê û tevahiya Bakurê Sûryayê..
