KCK û Kongra Star bi boneya salvegera serhilêdana 12’ê Adara 2004’an a Qamişlo û komkujiyên 12’ê Adara 1995’an a Gazî ya Stenbolê daxuyanî dan û Şehîdên 12’ê Adarê bi bîr anîn bibîr anîn.
Navenda Nûçeyan
Bi boneya salvegera komkujiyên Gazî ya 12’ê Adara 1995’an a Gazî ya Stenbolê û serhildana 12’ê Adara 2004’an ya Qamişloyê daxuyaniyek nivîskî da.
KCK’ê di daxuyaniya xwe de şehîdên komkujiya 12’ê Adara 1995’an yên li taxa Gazî ya Stenbolê, herwiha şehîdên 12’ê Adara 2004’an yên serhildana Qamişlo bibîr anaîn û got: ” Em di şexsê kesên di her du komkujiyan de jiyana xwe ji dest dane de, hemû şehîdên şoreş û demokrasiyê bi rêzdarî û minetdarî bi bîr tînin û car din dilsoziya xwe ya bi şehîdan re diyar dikin”.
KCK’ê diyar kir ku 12’ê Adara 2004’an li Qamişloyê ji aliyê rejîma Baas a Sûriyeyê ve li dijî Kurdan komkujiyek hatiye kirin û wiha got: “Komkujiya Qamişloyê jî weke di komkujiyên din ên li dijî Kurdan de, bi zihniyetek a dijminahiya Kurdan hatiye kirin û bi vê yekê hatiye xwestin ku têkoşîna azadiyê ya gelê Kurd were çewisandin û sîstema li ser esasê înkarkirina Kurdan were meşandin. Bi vê komkujiya ku li Qamişloyê pêk hatî, hatiye xwestin ku hestên nîjadperestî û dijminahiya Kurdan derxin pêş û pêşî li pêşketinek wiha bigirin.
KCK’ê da xuyakirin ku Şoreşa Rojava û sîstema Xweseriya Demokratîk ku gelên Bakur û Rojhilatê Sûriyeyê ava kir, armanca ku bi komplo dihat xwestin bi Komkujiya Qamişloyê were kirin, pûç kir û wiha domand: “Hat xwestin ku ku bi Komkujiya Qamişliyê gelan li bera hev dû berdin, sîstema netewdewletî ya statukoger, zextker, otorîter were domandin û pêşî li pêşketina têkoşîna demokratîk a gelan were girtin. Lê Şoreşa Rojava ev yek berovajî zivirand û bi têgihiştina netewa demokratîk a Kurd, Ereb, Ermenî, Suryanî-Asûrî, Tirkmend û gelên din ên Bakur û Rojhilatê Sûriyeyê jiyana hevpar û bi hev re ava kir.”
Di heman çarçoveyê de Kongra Star daxuyaniyek da û diyar kir ku qetlîam nayê jibîrkirin û divê têkoşîna ji bo bidestxistina azadî û demokrasiyê dewam bike.
Kongara Star di daxuyaniya xwe de wiha got: “Rojavayê Kurdistanê ku wekî mîrateya şoreşeke Kurdistanî û neteweyî tê naskirin, bi kedên mezin û berxwedanên bêhempa li hemberî hişmendiyên serdest û zordest sekiniye. Her çendî gelek bûyer û şêwazên zilmê jî hatine bikaranîn, lê belê bîr û baweriya bi azadiya gelan ji her demê zêdetir ew bi ser ketiye.”
