Peymangeha Şehîd Viyan Amara li herêma Şehbayê bû wargeha xeyalên xwendekarên koçber, cihê ku di dema desthilatdariya hikumeta Şamê de girtîgeha zarokan bû, niha bûye jêdara zanist û wêjeyê
Zana Roj/ Şehba
Şoreşa Rojavayê kurdistanê ji bo tavahî gelê Kurd bû vejîna jiyaneke nû, bi avakirina sîstema rêveberiya xweser li herêma Efrînê zimanê dayîkê di tavahî dibistanan de hat xwendin, bi avakirina yekemîn zanîngeh li herêma Efrînê, paymangeha Şehîd Viyan Amara di sala 2014 an de hat avakirin, di tavahî sîstema zanîngeh û paymengehan de îdeolojiya netewa demokratîk esas hat girtin, bi destpêkirin şerê ku ji aliyê dewleta Tirk a dagirker ve hatiye kirin û derbasbûna gel ji herêma Şehbayê re, rûxmî tavahî şert û mercên koçberiyê, careke din bi îsrardarî û îradeyek mezin dest bi xwendin û perwerdeya bi zimanê dayîkê hat kirin.
Têkildarî vê yekê hevserokê Paymangehê Şehîd Viyan Amara Mihemed Osman û xwendekara bi navê Zîlan Sîdo ji rojnameya me re axivîn.
`Peymangeha Şehîd Viyan Amara ji Efrîn derbasî Şehbayê bû`
Mihemed Osman diyar kir ku bingeha peymangeha Şehîd Viyan Amara li Efrînê bû û wiha got: “ Peymangeha Şehîd Viyan Amara di sala 2014 an de li herêma Efrînê hat avakirin, 4 salan di Efrînê de hat berdewam kirin, piştî derbasbûna gelê Efrînê ji herêma Şehbayê re, me nexwast ku xwendekar ji xwendinê dur bikevin, li ser wê bingehê di şert û mercên zehmet de Desteya Perwerdê xwe ji nû ve birêxistin kir û dest bi avakirina dibistanan kir”.
Mihemed da xuyakirin ku ji ber pêwîstiya wan bi mamosteyan hebû, lewra Viyan Amara ji nû ve hat avakirin û wiha domand: “Piştî bicihbûna gel li herêmê û vekirina dibistanan kêmbûn di hejmara mamosteyan de hebû, pêwîstiya me avakirina kadroyên mamosteyan çêbû, lewra di sala 2019 an de me Paymangeha Şehîd Viyan Amara ji nû ve da avakirin”.
`Ji girtîgeha zarokan bû avahiya zanistê`
Mihemd da zanîn ku avahiya ku niha Paymangehe, di dema desthiltdariya hikumeta Şamê de girtîgeh bû û wiha got: “Cihê ku hatiye hilbijartin ji bo bibe paymangeh cihekî pir cuda û wetedar e, di demên ku hikiumeta Şamê li ser Şehba desthiltdar bû, ev der weke girtîgeha zarokan dihat bikar anîn, me jî xwest em vê girtîgehê bikin jêdara zanist û edebiyatê û avakirina nifşên nû ji civakê re, lewra me ev der hilbijart”.
`Bi 75 xwendekaran me dest pê kir`
Mihemed Osman sîstem û fakolteyên ku hatine vekirin anîn ziman û wiha got: “Di destpêka avakirina peymangehê de 4 beş hatin vekirin, Mamosteya Refê, Bîyeolojî, Bîrkarî, Fziya û Kîmiya hatin vekirin. Hejmara xwendekarên ku me bi wan destpêkiriye 75 xwendekar bûn, her wiha yekemîn derçûn hat derketin ji paymengehê 41 xwendekar hatin derketin, her wiha sala duyemîn jî 28 xwendkar derçûna wan êçbûn, xwendekarên ku piştî du salan xwendinina xwe qedandine û derçûne hemû dibûn mamoste di dibistanan de, sala duyem me beşa ziman û wêjeya kurdî vekir”.
“Her sal beşên nû tên vekirin”
Mihemed da xuyakirin ku her sal li gorî pêwîstiyên xwendekaran ew beşên nû vedikin û wiha domand: “ Di sala bûrî de me dît ku pêwîstiya xwendekaran bi beşên cuda hene, bi Desteya Tenduristiyê re Paymangeha Tenduristiyê li herêma Şehbayê hat vekirin, hejamra xwendekarên wê 30 xwendekarin. Di haman demê de îsal 2022 me du beşên din zêde kirin ew jî zimanê îngîlîzî û beşa kompiyoter, hejmara xwendekarên paymangehê niha 180 xwendekarin”.
`Êrîşên dewleta Tirk a dagirke û ambargo bandorê li peymangehê dike`
Hevserokê Peymangeha Şehîd Viyan Amara Mihemd Osman bal kişand ser zehmetiyên ku tên kişandin û axaftina xwe wiha qedand: “Rewşa xwndinê ji rewşa herêmê a ku rojane rastî êrîş û topbaran tê ne qute, her wiha ambargoya ji aliyê hikumeta Şamê ve hatiye ferzkirin li ser xwendekar û xwendinê bandor dike, zehmetiyên ku tê kişandin di aliyê kêmbûna alavên xwendinê weke lênûs, pênûs û qirtasiyên ku em beklav dikin ev yek jî sedema wê ne hîştina derbaskirina wê ji herêmê re, di heman demê ji ber navçeya Şêrawa û Til Rifet her dem rastîî topbaranan tên, xwendekar pirî caran nagihînin ezmûnên xwe yên salene”.
`Peymangeha Şehîd Viyan Amara xeyalên me zindî kirin`
Xwendekara Peymangeha Şehîd Viyan Amara Zîlan Sîdo girîngiya xwendinê bi zimanê dayîkê di vê pêvajoyê de da xuyakirin û wiha got: “Di pêvajoya koçberiyê de em di her alî de rastî zemetiyên jiyanî hatin, lê a girîng ew bû ku em ji zanist û fêrkirinê qut nebûn, ji bo ku em xwe ji tavahî cîhanê re îsbat bikin divê em dev ji xwendina bi zimanê dayîkê bernedin, vekirina vê peymangehê ji bo me bû wargeha xeyalên me yên pêşerojê”.
`Parastina zimanê dayîkê erka xwendekaran e`
Zîlan Sîdo diyar kir ku li hember tavahî cureyên êrîşên dijmin ew ê parastina ziman û zanistê bikin û axaftina xwe wiha qedand: “Berhmên ku vê şoreşê da ye avakirin ji 10 salan ve û gihîştiye roja me ya îro, divê em parastina van destkeftiyan bikin, çawa ku em niha bi saya vê şoreşê bi zimanê Kurdî dixwînin, wê parastina destkeftiyên şoreşê û derbaskirina zimanê dayîkê ji nifşên nû re wê li ser milê me be û armanca me ya yekemîn be”.