Xalid Etê/Qamişlo
Desteya perwerde û fêrkirinê ya herêma Cizîrê ji bo pêşxêstina sîstema perwerdeyê, bi riya akademiyên xwe perwerdeyên branşan yên mamosteyan didomîne.
Desteya Perwerde û Fêrkirinê ya Herêma Cizîrê, Sala 2019`an li herêmê du akedemî yên bi navê Ş Egîd Cîlo – Beşê branşn kurdî li bajarê Qamişlo û ya erebî li bajarê Hesekê- vekirin. Herwiha bi heman armancê 2 peymangehên amedekirina mamosteyan li Qamişlo û Hesekê vekirin. Li akedmiya Egîd Cîlo ya branşên Kurdî jî ji 2019 heta niha ve 14 dewre bi her du beşên wêjeyî û zanistî çêbûna û herî dawî perwerdeyeke branşên zanistî ya bi tevlîbûna 42 mamosteyan ji 31’ê gulanê destpê kiribû û 6’ê tîrmehê qediya.
![]()
`Bênavber û di her şert û mercê de perwerdeyên mamosteyan didome`
Têkildarî perwerdeyên mamosteyan û girîngiya wan, Endama rêveberiya akademiya Ş. Egîd Cilo ya branşên Kurdî ya bajarê Qamişlo mamoste Dicle Osman ev agahî dan: “Em wek akademî ku girêdayî Desteya Perwerde û fêrkirinê, li ser bingehê pêşxistin û pisporkirina mamoseteyên xwe di her du beşên wêjeyî û zanistî de, bênavber perwerdeyên branşan berdewam dikin. Li akademiyê jî ji bo mamosteyên her 3 qonaxan sertayî, navî û amedayî perwerde tên dayîn. Di wezê dibistanê de mamosteyên qonaxa serateyî têvlî perwerdeyan dibin û piştî qedandina dibistanan jî, mamosteyên qonaxa navî û amedeyiyê tevlî van perwerdeyan dibin. Di van perwerdeyan de sîstema perwerdekirinê û her awayên pêşketî, yên wê ji mamosteyan re tê dayîn. Perwerdeyên me jî bi awayekî serkeftî diqedin. Di hundirê dibistanan de jî encamên van perwerdeyan tê dîtin ku mamosteyên tevlî perwerdeyan dibin, roleke serkeftîtir dilîzin. Ji ber wê armaca me zelal, di şert û mercên girin de jî, perwerdeyên me wê bidomin û niha wê perwerdeyeke beşê wêjeyî destpê bike û pê re wê perwerdeya mamosteyên qonaxa seretayî jî wê destpê bike.”![]()
`Ji bo me perwerde derfetaeke mezin ya pêşxistina kesayet û zaniyariyan e`
Ji mamosteyên tevlî perwerdeya dawî ya branşa zanistî bûbûn, mamosteyê Erdnîgarî Mihemd Mensûr ji me re ev nirxandin kir:”Weke mamoste derfeteke mezin ji bo me ye ku em perwerdeyên biranşan bibînin. Lewra mirov çiqasî zane be jî, pêwîstiya wî bi perwerdeyê û xwepêşxistinê heye. Di perwerdeyê de, me kêmasiyên xwe nas kir û rêbazên nû yên mamostetiyê dîtin û ceribandin. Jixwe di hundirê akademiyê de atmosfera li akademiyê ya piralî çi perwerde, çi jî jiyanî pir xweş e. Vê perwerdeyê Guhertinên mezin li cem me çêkirin. Ji ber wê banga me ji her mamosteyê ye heye ku tevlî perwerdeyên branşan bibe; kesayet û zaniyariya xwe weke mamoste pêş bixe.”