Welatiyê bi navê Subhan Feyroz ku xwedî pêdawîstiyên taybete, lê ev 14 salin ji bo komkirin û arşiv kirina sitranên Hewramî dixebite. Subhan heta niha kariye gelek sitranên Hewramî arşiv bike, her wiha pirtûk û nivîsên Hewramî çap bike.
Welatiyê ji Helebce Subhan Feyroz ji sala 2008’an ve Navenda Siyaçemane damezrandiye û kar ji bo parastin û arşivkirina çand û hunera Hewraman dike. Niha jî 1100 sitranên Hewramî yên hunermendên Hewreman li gel 12 destnivîs û 16 pirtûkan arşiv kiriye û çap kiriye.
Derbarê kar û xebatên xwe de Subhan Feyroz ji Rojnews re axivî û got; “Di sala 2008’an de li Xurmal me Navenda Siyaçemane ji bo komkirin û arşivkirina çand û hunera Hewrman damezrand. Piştre me navenda xwe veguhest parêzgeha Helebce.”
Subhan diyarkir navenda wan tenê taybet nine bi sitranan, di heman demê de ew di warê wêje, huner, çand, karên dest, zindîkirina karên li Hewreman hebûn û ber bi tinebûnê ve diçin de dixebitin. Subhan got, em cûdahiyê naxin nava Hewramî û Soranî, her wiha giringiyek taybet bi Kakeyiyan didin.
Subhan heta niha 16 pirtûkan nasandiye û çap kiriye. Her wiha 1100 sitranên Hewreman xistiye kasêt û komkiriye. Subhan piraniya wan ji Rojhilatê Kurdistanê komkiriye.
Her wiha Subhan ji du hezar destnivîsan, 12 destnivîsên Mehudxanî Dizlî û Mehmudxanî Kanî Sanayan ji wezareta derve ya Îranê wergirtiye û berdewame di anîna nivîsên din de.
Subhan behsa armanca projeya xwe kir û got: “Armanca me ji vî karî, parastina ziman û çanda Hewremane ku metirsiya tinebûnê li ser heye. Ji berku sitran zimane û diçe hemû malekê de.”
ROJNEWS