Meclisa Herêma Rojhilat bi hevkariya Yekîtiya Siwarên Hespan ya Dêrazorê Pêşbirka 5. Ya Hespan li ser asta bakur û rojhilatê Sûriyê li dar xist.
FacebookTwitterWhatsAppTelegram
Bi armanca domandina kevneşopiya pêşbaziya hespan û teşwîqkirina xwediyên hespên erebî yên esîl, Meclisa Herêma Rojhilat bi hevkariya Yekitiya Siwarên Hespan a Dêrazorê 5’emîn Pêşbirka Hespan li ser asta Bakur û Rojhilatê Sûriyê li dar xist. Pêşbirk bi beşdarbûna 150 siwarên ji tevahî herêmên Bakur û Rojhilatê Sûriyê li bajarokê Giranîc ê gundewarê rojhilat ê Dêrazorê hate lidarxistin.
Pêşbirk ji 11 qonaxan pê dikhat. Di her qonaxekê de 3 kesên pêşîn ên serkeftî hatin xelatkirin.
Di pêvajoya ‘lehengiyê’ de, di rêza yekemîn de hespê Zîb El-Hefel ê Şêx Xezal El-Hefel ê ji gundê Zîban ê rojhilatê Dêrazorê, di rêza duyemîn de hespê Beyreq ê ayîdî Xalid El-Newaf ê ji gundê Şîfe, di rêza sêyemîn de Muxtar El-Amûd ê ayîdê Eslan El-Amûdî hatin xelatkirin.
Şirîkeke sivîl ku li gundewarê rojhilat ê Dêrazorê dixebite, mîlyon lîreyên sûrî dan siwarê serkeftî yê asta yekemîn, 700 hezar ê rêza duyemîn serket û 500 hezar da yê asta sêyemîn.
Di qonaxa pêşbaziya 3 kîlometreyan a bi beşdarbûna 15 siwaran de, Sekeb Hemadî asta yekemîn, Şiwêman El-Xalidî asta duyemîn û Berzan Emar asta sêyemîn bi ser ketin.
ANHA
