Jinên Eerb yên HPC’ê: Li dijî  Osmaniya Nû serfeber bibin

Navenda Nûçeyan/Qamişlo

Jinên Eerb yên HPC’ê teqez kirin ku armanca êrişên dewleta tirkî ya dagîrker avakirina Osamniya Nû li ser hesabê destkeftiyên jinê û gelên herêmê ye. Herwisa bang li jinên Ereb kirin ku li hemberî van êrişan Parastina Rewa, Şerê Gelê yê Şoreşgerî bikin bingeh û seferber bibin.

Têkildarî êrişên dewleta tirkî ya dagîker û gefên Erdogan, Endama Hêzên Parastina Civakê-Jin (HPC JIN) Xewla Xelîl Mûsa, herwiha li ser pêwîstiya Xweparstina Rewa, Şerê Gel ê Şoreşgerî û rola jinê di vî şerî de Şemsa Ahmed Xelef Endama Hêzên Parastina Civakê-jin ya Ereb ji me re axivî.

`Osmaniya Nû tinekirina hebûn û hêza jinê dike amanc`

Xewla Xelil, bal kişand ser girîngiya parastina rewa ya jin li dijî êrişên dagirkerî û ev nirxandin kir: “Ji destpêka şoreşê ve jina Ereb bi erk û rola xwe rabûn û li kêleka hêzên xwe yên lêşkerî rola xwe di şoreşê de lîst. Ji 7 salî ve heta heştê salê em tev geriyan .Li ser bingeha xweparastinê jinê destkeftî bi destxistin û me civak ji çeteyan parast. Jixwe xwe parstin, mafê me yê rewa ye. Me teqez kir ku jin dikare xwebixwe biparêze û bibe xwediya hebûna civaka xwe. Li ser vî bingehê, jina Ereb bi felsefeya Rêber Apo bû hêza xwe û civakê.”

Xewla teqez kir ku ev êrişên ser herêmê bakur û rojhilat Sûriyê li dijî şoreş û hebûna jinê ne û axaftina xwe wiha domand: “Jinan hêzeke mezin afirand û em ji dewleta tirkî ya dagîker re bûn tirs. Ji ber ku dewleta tirkî bingeha hişmendiya mêr ya desthiltadar temsîl dike. Li ser vî bingehî jî jinê her tim xwebirêxistin kir û hêza xwe mezintir kir. Ev êriş jî teybet li ser tekoşina azadiya jinê ne.

‘Li ser bingeha Şerê Gelê Şoreşgerî divê her jinek li dijî dagirkeriyê xwedî çek be’

Endama Hêzên Parastina Civakê-Jin (HPC JIN) Xewla Xelîl Mûsa banga jinên ereb kir ku ji bo hebûna azadiya xwe li dijî dagirkeriya tirk xwe bi rêxistin bikin û axiftina xwe wiha bi dawî kir: “Ez bang li tevyiya jinan bi taybetî jinên Ereb dikim ku li ser bingeha Xweparstina Rewa û Şerê gel ê Şoreşger tev bigerin û çeka xwe ya fikrî û ya leşkerî ji xwe kêm nekin. Bi her awayî dewleta tirkî ya dagîker dixwaze me qir bike û jinê tine bike. Ji ber ku li hemberî vê pêvajoya û qirkirinê, riya yekan e ya jinê û tevayiya gelan, xwe parastine. Jixwe emê hêza xwe nespêrin hêza ti dewlet û hêzên”.

`Jina Ereb û Gelên herêmê li hemberî êrişan serfer bibin`

Şemsa Ahmed Xelef Endama Hêzên Parastina Civakê-jin ya Ereb jî wiha axivî “:Me jinên Ereb di vê şoreşê de xwe naskir û em bûna xwediyê hêz û hebûna xwe. Erdogan îro dixwaze projeya xwe ya nû li ser tinekirina jinê û qirkirina gelan û bi dagîrkeriyê ava bike. Jin û gelê Ereb vê yekê dizane ku gelê Ereb, Sûriyan û Kurd armanca qirkirna wê ne. Jixwe Hêzên navneteweyî jî bêdengin û ev qirkirine ji Erdogan re erê kirine. Îro ji me re ev pêvajo, pêvajoya Hebûn û Tinebûnê ye. Ji ber wê jî divê em serferber bibin û Şerê Gelê Şoreşgerî bikin bingeh û li hemberî êrişan xwedî sekneke dîrokî bin û herêmên xwe yên dagîkerî jî rizgar bikin.”