Darîn Silê/Qamişlo
Ji bo şermezarkirina êrişên dagîrkeriya tirk û hevkariya PDK`ê, Îro saet 10`an bi hezaran şêniyên herêma Cizîrê û gundewarên wê, bi durişma` Bi Vîna Gel û Gerîla Wê Dagîrkerî Têk Biçe` meşeke rûmetê li darxistin û berxwedana gerîla silav kirin.
Di meşê de bi hezaran şêniyên herêma Cizîrê bi herdu kantonên wê Qamişlo û Hesekê, endamên meclisa Qamişlo, Partiya Yekîtiya Demokratîk (PYD), Tevgera Civaka Demokratîk (TEV-DEM), Kongireya Star, nunerên Rêveberiya Xweser, Saziya Malbatê Şehîdan, tevayiya Saziyên Sivîl û Civakî û HêZên Ewlekariya Hundirîn amade bûn.
Meş ji çerxereya Osman Sebrî dest pê kir û heta stada Şehîdên 12`ê Adarê dewam kir. Piştre endama desteya rêveber ya Partiya Yekîtiya Demokratîk (PYD) Foza Yûsif axivî.
Foza Yûsif dagîrkerî û hevkariya bi dijmin re şermezar kir û wiha got: “Dewleta Tirk ya dagîker her deverê kurdistanê bombebaran dike û agir dibarîne. Armanca êrişan ew ku careke din kurd bê nasname û bê cî û war bimînin. Herwiha dixwazin hevpeymana lozanê bidin rûştandin, da ku gelê kurd nebin hêz û bindestî û koletiyê jiyan bikin. Êrişên ku niha jî tên kirin bi vê armancê ne. Îro roj dagîrkeriya tirk bi hevkariya PDK`ê li hember îradeya gelê me û berxwedaniya Gerîla çerekî pir giran dide meşandin. Ji bo wê pêwîste wek gelê kurd em tev li hember vê komloya qirêj û bi yek dengî helwesta xwe bidin nîşandan. Herwiha emê rê nedin ku hevpeymanê qirêj û xiyanet bi ser bikevin. Çimkî gelê kurd xwedan artêş û xwdan serok e. herwiha gelê kurd rê nade xiyanet û dagîrkeriyê.”
Foza Yûsif di dawiya axaftina xwe de got, pêwîstew gelê kurd bi yek helwestê li hember planên dagîrkeriyê derkevin û wan vala derxînin. Êdî bese ku dijmin planê xwe bi destê kurdan pêş bixîne, êdî bese ku xwîna kurda bi destê kurda were rijandin. Dem dema helwesta rûmetê ye, yê ku helwesta xwe nede diyarkirin wê di nezera gelê me de were şermezarkirin.