Argêş Vîyan/Qamişlo
Ji bo avakirina yekîtî û yekrêziya Kurdên Rojavayê Kurdistanê kar û xebateke bêhempa tê meşandin. Li ser wê bingehê îro 26’ê Nîsana 2025’an Konferansa ‘Yekrêzî û Yekhelwesta Kurdî li Rojavayê Kurdistanê’ li bajarê Qamişlo li bexçê Azadî hat lidarxistin.
Di demijmêrên siharê de, bi rêzgirtin û xwendina sirûda netewî konferans hat destpêkirin. Hemû partî û dezgehên siyasî yên kurdî li Rojavayê Kurdistanê û şandeyên her çar beşên Kurdistanê, ragihandin û kesayetên serbixwe, Fermandarê QSD’ê Mazlûm Ebdî, fermandara YPJ’ê Rohilat Efrîn, şêwermendê Mesûd Barzanî, Hemîd Derbendîxan û gelek kesayetên navdar jî, di konferansê de amadebûn. Di dîwana konferansê de li ser navê Rêveberiya Xweser Ilham Ehmed, li ser navê PYD’ê Perwîn Yusîf û li ser navê ENKS’ê jî Mihemed Ismaîl jî cîh digirtin. Di konferansê de peyamên yekrêzî û yekîtiyê hat dayin. Piştî axaftinan bername ji ragihandinê re girtî hate berdewam kirin.
Di konferansê de li ser navê dîwanê ji Ilham Ehmed axaftina vekirina bernameya konferansê hat kirin.
Axaftina konferansê ji aliyê fermandarê QSD’ê Mazlûm Ebdî hat kirin û wiha got “Ev konferans bi saya têkoşîna hezaran salan pêk hat. Ji ber piştevanî û alîkariya wan ji bona serokê herêma Federal ya Kurdistanê birêz Mesûd Barzanî, birayê me yên Silêmaniyê birêz Bafil Telebanî û di heman demê de avakarê azadiye û yekîtiya Kurdan Rêber Abdullah Ocalan re Spas dikin. Ev yekîtî diyarî têkoşîn û berxwedaniya wan e. Em dubare beşdarvanan silav dikin û spasiya wan dikin.”
Piştre nûnerê PDK’ê li Sûriyê Hemîd Derbendî axaftin kir û hemû beşdarvanên konferansê silav kir û wiha got:
“Çareserî nîqaş û goftugoyan pêkan e. Em hemû aliyên ku piştevanî piştgirîya xwe ji bona konferansê dan nîşandan û em silav dikin.”
Piştre nameya KCK’ê ji bona konferansê ji aliyê Endama Desteya Rêveber ya PYD’ê Foza Yûsif ve hate xwendin û têde hate gotin: “Em ji her aliyê konferansê de, deyndarê têkoşîna salan ya Rêber Abdullah Ocalan in. Ji ber vê yekê em niha hatine li cem hev. Em dîsa jî spasiya xwe ji bona hemû beşdaran dikin.”
