Mihemed Xanim/Qamişlo
Rohat Mele Xelîl: Azadiya Rêberê Gelê Kurd Abdulah Ocalan tê wateya misogeriya aştiya civakî, demokrasî û azadiyê. Ji bo ku ev pêk neyên tecrîda girankirî li ser Rêber Apo tê meşandin.
Ji ber felsefeya Rêber APO ya jiyana azad, felsefeyek e ku rizgariya mirovayiyê bi giştî dihewîne, felsefeyeke ku li dijî hemû ferasetên paşverû yên ku ji hêla pergala desthilatdar ve têne meznikirin, têdikoşe. Dewlata tirkî ya dagîrker û bi alîkariya hêzên navneweyeyî, li ser Rêberê gelê Kurd Abdullah Ocalan tecrîda giran dide meşandin.
Di 27’ê Tîrmeha 2011’an de hevdîtina parêzeran a bi Rêberê Gelê Kurd Abdullah Ocalan re qedexe kirin. Piştre parêzerên Rêberê Gelê Kurd Abdullah Ocalan di 22’yê Mijdara 2011’an de hatin girtin. Her wiha di 6’ê Cotmeha 2014’an de jî hevdîtina malbatê hat qedexekirin. Di Nîsana 2015’an de jî hevdîtina Heyeta Îmraliyê jî hat qutkirin. Pê re “tecrîda mutleq” dest pê kir. Di encama dewamiya berxwedana bi grevên birçîbûnê , parêzer 2’yê Gulana 2019’an çûn giravê. Herî dawî 7’ê Tebaxa heman salê çûn. Rêberê Gelê Kurd Abdullah Ocalan herî dawî di 27’ê Nîsana 2020’an de bi rêya telefonê bi çend deqîqeya bi malbata xwe re axive ku ev axiftin di nivîde hat qutkiri û ji wê demê ve heta roja îro ti agahî jê nehatine wergirtin.
Derbarê tecrîda girankirî ya ku li ser Rêber Apo tê meşandin, Hevseroka Ofîsa têkiliyên derve ya Partiya Yekîtiya Demokratîk (PYD) Rohat Mele Xelîl, tecrîda li ser Rêberê Gelê kurd Abdullah Ocalan şermezar kir û wiha dewamî da axaftina xwe: “Tecrîda li ser Rêbertiyê ne tiştekî nû ye, ev 23’ê salin ku ev tecrîd li ser tê meşandin. Ew di mercên pir zehmet de li ber xwe dide. Rêber Apo, Rêber û hêviya hemû neteweyên bindest e, lê mixabin di roja îro de ji ber tirsa ji ramanên wî, tecrîdek girankirî li ser tê maşandin.”
Rohat da zanîn ku armanca tecrîdê ku dewleta tirkî dide meşandin, qutkirina rêbertiyê ji gelên azadîxwaz e û wiha domand: “Dewleta tirkî ya dagîrker, dixweza Rêber APO ji gelî wî û ji tevahî cîhanê qut bike. Bi vê yekê hewl didin pêşî li ber Raman û felsefeya Rêber APO bigirin. Ji ber ku felsefeya Serok APO felsefeyekî demokrat û aştiyane ye û mifteya çareseriyên pirsgirêkên herêmê ye.”
‘Rêber Apo bi paradîgmaya xwe bûye azadî û demokrasîxwaz ji bo gelên cîhanê’
Rohat anî ziman ku Hêzên kapîtalîst, desthilatdarên komploger, bi plangeriyekî navdewletî Rêberê gelê Kurd, dîl girtin û axftina xwe wiha domand: “Ev komplo di şexsê Rêber APO de, li ser gelê Kurd û gelên Rojhilata Navî ê hevpeyman û hewldana planên nû yên qirêj dewam dike. Hêzên kapîtalîst, bi armanca tinekirina nirxên civaka azad, wekhev û ji holê rakirina Modernîteya Demokratîk, komplo pêşxistin. Ev pergala ku êdî di sînorê hilweşandinê de dijî, ji bo temenê xwe dirêj bike ev komplo pêk anî. Rêber APO, bi pêşxistina berxwedana dîrokî, bi heqîqeta avakirina jina azad, civaka azad rastiya komplogeran pûç kir. Hêzên komploger, ji ber li hemberî berxwedan û tekoşîna mezin ya Rêber APO bin ketine, bi hêrs in û îro Rêbertiya me di nav tecrîdekî giran de digrin.”
‘Hêzên navneteweyeyî di sûcê tecrîde de hevkarin’
Hevseroka Ofîsa Têkiliyên Derveyî ya Partiya Yekîtiya Demokratîk ( PYD) Rohat Mele Xelîl bêdengiya navnetewyeyî şermezar kir û axiftina xwe wiha qedand: “Em êdî tu bangan li Neteweyên Yekbuyî û rêxistinên navneteweyeyî nekin. Ji ber ku ew ji gelên bindest re çav û gûhê xwe digrin. Em bang li hemû mirovahî û kesên aştîxwez dikin ku dengê xwe li dijî tecrîda li ser Îmraliyê bilind bikin, da ku ev sucê dijmirovî bi dawî bib”
