Li Mêrdînê bi pêşengiya çend mamosteyên Kurd, komeke şanoyê ya bi navê “Şaneşîn Performance” hat avakirin.
Li Mêrdînê bi pêşengiya çend mamosteyên Kurdî, komeke şanoyê ya bi navê “Şaneşîn Performance” hate avakirin. Koma Şaneşînê diyar dike ku armanca wan bi vê komê ew e ku xizmetguzariya şano û zimanê Kurdî bikin.
Şaneşîn Performance di daxuyaniya xwe de dibêje, “Şaneşîn Performans serî li lîstikên şanoyê yên Kurdî û cîhanê dide, lîstikên nû diafirîne û bi terz û şêweyekî nû dixwaze asta hunerê şanoya Kurdî bi disîplînên din re bilindtir û geştir bike. Ne bi tenê li bajarekî; li her çar parçeyên welêt û Ewrûpayê dixwaze ku hunerê Kurdî temsîl bike.”
Şaneşîn Perfomans niha hazirîya lîstika xwe ya bi navê “Bêcir”ê dike û ji bo ku ev lîstik derkeve ser dikê, alikarî ji temaşevanên xwe dixwaze.
Weke temaşevan mirov dikarin di ser malpera www.morizarok.com û pirtûkên ku ji bo zarokan hatine hazirkirin, bikirrin.
Ev projeya kirrîna pirtûkan dê bi qasî 10 rojan dewam bike û di dawiyê de pirtûkên ku hatine firotin, dê li ser navê Şaneşîn Performansê li dibistaneke Colemergê ji bo xwendekarên ku dersa Kurdî hilbijartine, bên bexşkirin û her wiha pirtûkên din jî li kêleka biletên şanoyê weke diyarî bi temaşevanan re werin parvekirin.
Ji xeynî van pirtûkan hin pirtûkên din yên werin firotin, dê budceya wan jî bi sponsoriya Pirtukakurdî û Morî Zarokê ji bo lîstikê were xerckirin.
Ozgûr Polîtîka