Hunermend Rewşan Çelîker û Tara Mamedova bi hev re stirana bi navê “Xuçê” çêkirin.
Hunermend Rewşan Çelîker û Tara Mamedova bi hev re stirana bi navê “Xuçê” çêkirin. Her du hunermend dibêjin, em vê stiranê diyarî tevahiya jinan dikin.
Mamedova gotinên stiranê nivîsîne, Rewşanê jî beste û mûzîka wê çêkiriye.
Her du hunermend jî dibêjin, em vê stranê diyarî jinan dikin. Wan xwestiye bi vê stiranê “qedrê xwişkbûnê bînin ziman.”
Rewşan û Tara xwestine ku ev stran qîmeta xwişkbûnê bîne ziman: “Hevgirtina jinan hêza xwe ji têkiliya xwişkbûnê digire. Ev têkiliya xef, belkî jî digihîje heta serdema ku jin pîrebokên zana, hûnermend û şîfakar bûn. Mixabin ev têkiliya xwişkbûnê ku me li cem hev diheband, di nav demê de qels bûbe jî, bi temamî wenda nebûye. Ji ber ku em ew pîrebokên bi hêz in ku hîna jî stranan dibêjin, govendê digirin û bi dilovanî hev du hembêz dikin. Em hewl didin ku têkiliya di navbera xwe de zexm bikin. Em vê ji bo xwe, ji bo me, ji bo dinyayeke baştir dikin.
Ji ber ku em welatê hev in, axa hev in û stirana Xuçê bi van hest û ramanan hat çêkirin.”
Stirana “Xuçê” bi belavkariya Believe Labelê li ser platformên dijîtal ên muzîkê hatiye weşandin.
MA/STENBOL