Navenda Nûçeyan-Qamişlo
Îro (2-3-2022) saet 14:30`an bi sedan şêniyên bajarê Qamişlo bi merasimeke girseyî şervanê QSD`ê Ehmed Elî, ku di encama Qezayekê de li Çelaxa şehîd bû, li goristana Şehîd Delîl Sarûxan spartin axê.
Merasimê bi deqeyeke rêzgirtinê li ser giyanê şehîdan dest pê kir. Pişt re li ser navê Meclisa Malbatên Şehîdan Mihyedîn Hesen sersaxî ji malbata şehîd Ehmed re xwest û got:” “Divê em malbatên şehîdan û gel bi giştî kedên ji bo pêkanîna armancên şehîdan bidin û wê yekê bi rêya şerê gel yê şoreşgerî pêk bînin.”
Pişt re endamê Meclisa PYD`ê Ebdulkerîm Sarûxan sersaxiyî ji malbata şehîd û tevayiya malbatên şehîdan re xwest û wiha got: “Meha Adarê meha fedekarî, berxwedan û destkeftiyên biha ye. Nirxekî dîrokî ji bo gelê me ye. Berxwedana me ya bi salan bi saya van şehîdan e. Ji lew re wê şehîd di dilên me de zindî bimînin.”
Pişt re nasnameya şehîd hat xwendin û radestî malbata wî hat kirin.
Di dawiyê de cenazeyê şehîd Ehmed Elî di nava dirûşman de spartin axê.
