Jinên Efrînê li Kantona Şehbayê yên li taxa Ehdas dimînin bi rihê Berxwedana Serdemê tevlî seferberiya ku di Konferansa Rizgarikirina Efrînê de hatiye ragihandin dibin.
Derbarê encamên konferansê û rol û misyona jinan di vê seferberiyê de, jinên Kurd ên li taxa Ehdas dimînin nerînên xwe bi rojnameya me re parve kirin.
Jina bi navê Emîne Nasan ku dayîka Şehîd Xemgîn e ya ji navçeya Cindirêsê bi van axaftinan nerîna xwe anî ziman: Lidarxistina Konferansa Rizgarkirina Efrînê mesejeke jinê ji dagirkeran re bû ku wê Efrîn bi destê jinan bê rizgarkirin. Dayîka Şehîd Xemgîn bang li tevahî jinên Kurd û cîhanê kir ku cihê xwe di refên serfeberiya hatiye ragihandin de bigirin û got: Erka rizgarkirina Efrînê peywira her jineke azad e.Jina êzîdî ya bi navê Kurdistan Hiso ya ji navçeya Cindirêsê got: Jina Kurd îro ji her demê bi hêztir e. Dagirkerî nikare vîna jinan bişikîne. Em ê tola jinên Şengalê û Efrînê bi tevlîbûna nava vê seferberiyê hildin.
Ji aliyê xwe jina bi navê Rehîme Xelîl a ji navçeya Şiyê ev tişt anî ziman: Çawa masî nikare bê av bijî, jinên Efrînê jî nikarin bê Efrînê bijîn. Ji bo rizgarkirina Efrînê êm ê erkên pêşeng di seferberiya hatiye ragihandin de bigirin ser milê xwe. Her wiha em bang li sazî û dezgehên mirovî dikin ku di ê derbarê de erk û peywirên xwe pêk bînin.Hêjayî gotinê ye ku di navbera 18 û 21 Hezîrana derbasbûyî de Konferansa Rizgarkirina Efrînê li Şehbayê hatibû lidarxistin. Di konferansê de rola pêşeng a jinê ji nû ve hatibû tekezkirin…
Şîlan Efrîn
Jinên Efrînê soza bilindkirina têkoşînê dan
