Yekîtiya Jinên Ciwan YJC’ê ya kantona Kobanê diyar kir ku êrîşên dagirkeriya Tirkiyê yên li ser Başûrê Kurdistanê tevahî parçeyên Kurdistanê hedef dike û bang li hemû jinên ciwan û ciwanan kir ku berê xwe bidin çeperên berxwedanê û parastina axa xwe bikin.
Yekîtiya Jinên Ciwan YJC’ê a Kantona Kobanê bi amadebûna bi dehan jinên ciwan ên herêma Firatê derbarê êrîşên dagirkeriya Tirkiyê yên li ser Başûrê Kurdistanê daxuyanî da. daxuyanî ji aliyê endamê YCR’ê Rohat Hecî Mehmûd de hate xwendin.
Di daxuyaniyê de wiha hate gotin;
“Bi sedsalane li Kurdistanê, êrîşên qirkirinê yên faşîzmê didomin. Dewleta Tirk piştî Efrînê dixwaze bi başûrê Kurdistanê êrîşûn xwe berdewam bike.Piştî ku dewleta Tirk a dagirker li Efrînê li hember berxwedanê têk çû pêvajoya hilweşandina rêjîma wê jî dest pê kir, lewra jî li dijî gelê kurd her cure planên êrîşan xistiye dewrê.
Dewleta tirk a dagirker û mêtînger bi êrîşên hovane meskenên gerîlayan û cîhên sivîlan ev demeke bombebaran dike. Li hemberî vê jî Kurd li başûrê Kurdsitanê berê xwe didin Qendîlê.
Divê demê de ji bo kurdan parastina ax ji nan û av pêwîstir e. Em weke jinên ciwan bang li hemû jinên ciwan û ciwanan dikin ku berê xwe bidin çeperên berxwedanê û parastina axa xwe bikin û li hemberî dagirkeriyê serî hildin.”
YJC’ê li dijî êrîşên dagirkeriyê bang kir
