Rêxistina Kongreya Star ya navçeya Mexmûr û Til Mecdel yên girêdayî Hesekê meclisên xwe avakirin.
Rêxistina Kongra Star bi armanca pêşxistina kar û xebatê li Navçeya Mexmûr û Til Mecdel yên girêdayî Hesekê ya Herêma Cizîrê bi civîna ku li dar xistin meclisên xwe avakirin.
Di civîna ku hat lidarxistin de berdevka Kongreya Satar a navçeya Serêkaniyê Selwa Ehmed, Rêvebera Kongreya Star a Herêma Cizîrê Welîda Botî, Rêvbera Kongreya Star a Kantona Hesekê Helîma Ehmed û gelek jin amade bûn.
Di civînê de hevpeymana civakî ya Kongreya Star ji aliyê Berdevka Kongreya Star Selwa Ehmed a Navçeya Serêkaniyê ve hat xwendin.
Rêvebera Kongreya Star a Herêma Cizîrê Welîda Botî li ser rol û rêxistina jinan axivî û wiha got, “Bi hezaran sal e têkoşîn li hemberî zihniyeta baviksalarî tê meşandin. Divê jin li hemberî koletiyê tû caran serî netewînin, xwe bi rêxistin bikin ji bo ku bikaribin jiyanek azad bijîn. “
Di heman demê de li navçeya Til mecdelê civîn hate li darxistin. Di civînê de rêvbera Kongreya Star ya Hesekê Helîma Ehmed axivî û wiha got: “Divê jin di civakê de rola xwe bilîzin û erka wan e ku hemû jinan bi rêxistin bikin.”
Piştî axftinan, Meclisa Kongreya Star li Navçeya Mexmûrê ji 7 jinan û li Til Mecdelê jî 7 jinan meclisên navçeyan ava kir…
Kongreya Star Meclisên nû ava dike
