Navenda Nûçeyan-Qamişlo
Navenda Ragihandin û Çapemeniyê ya HPG’ê nasnameyên 3`ê gerîlayên ku di Sibata 2016`an de li Zapê şehîd bûne eşkere kir û di daxuyaniyê de teqez kir ku wê têkoşîna hevrêyên xwe yên leheng mezintir bikin.
Navenda Ragihandin û Çapemeniyê ya HPG’ê têkildarî gerîlayê ku li Zapê şehîd bûn ev agahî dan:
“Dewleta Tirkiyê ya dagîrker ji bo ku li hemberî tevgera me encamê bi dest bixe, sala 2016`an dest bi êrişên giran û berfireh kiribû. Armanc ji van êrişan li ser bingeha tesfiyekirina gerîla, biserxistina pêvajoya qirkirina gelê me bû. Lê belê, Gerîlayên Azadiyê yên Kurdistanê ku hay ji vê polîtîkaya dijmin hebû, bi îradeyeke awarte li dijî dijmin şer kir û ev polîtîka têk bir. Di vê pêvajoya şerê giran de hevrêyên me Botan, Denîz û Agît bi canê xwe gelê me û destkeftiyên me parastin û li dijî dijmin heta kêliya dawî şer kirin, şehîd ketin. Hevrêyên xwe yên şehîd bûne, di salvegera şehadeta wan de bi rêzdarî bîr tînin û soza xwe dûbare dikin ku em ê têkoşîna hevrêyên xwe yên leheng mezintir bikin.
Agahiyên li ser nasnameyên hevrêyên me yên şehîd bûne wiha ne:
Nasnav: Botan Qelqelî
Nav paşnav: Serkan Yalçintaş
Cihê ji dayîkbûnê: Wan
Dayîk-Bav: Ayten-Feyrûz
Dem û cihê şehadetê: Sibata 2016`an, Zap
Nasnav: Denîz Rêyarast
Nav paşnav: Alî Yaşar
Cihê ji dayîkbûnê: Colemêrg
Dayîk-Bav: Fatma-Rahmî
Dem û cihê şehadetê: Sibata 2016`an, Zap
Nasnav: Agîd Amed
Nav paşnav: Firat Savûr
Cihê ji dayîkbûnê: Amed
Dayîk-Bav: Meryem-Yilmaz
Dem û cihê şehadetê: Sibata 2016`an, Zap
