Navenda Nûçeyan-Qamişlo
Navenda Ragihandin û Çapemeniyê ya Hêzên Sûriya Demokratîk (QSD) bi daxuyaniyekê ragihand ku dema çeteyekî DAIŞ`ê hewil dida bireve delweta Tirkiyê, hat girtin.
Daxuyanî wiha ye:
“Yekîneyên taybet ên QSD’ê çeteyekî DAIŞ’î yê Iraqî li bendeke kontrolê ya Reqayê dema ku hewl dida bi rêya hevkarên rêxistina terorîst bireve Tirkiyê, girt. Ew çete bi rêya rêxistina DAIŞ’ê ji badiyaya Sûriyê derket.
Li gorî îtîrafên terorîstê bi navê Ebdullah Ebdulkerîm Ebdullah ew ji ber teqîna mayînekê bi erebeya ku tê de bû, li ser rêya Eseriya-Xenasir badiyaya Reqayê birîndar bû. Ew çete li herêma Wadî Miyah, Şam, badiyaya Sexne, badiyaya Tedmir û bejahiyên Helebê digeriya.
Terorîst Ebdullah di 2017’an de tevlî rêxistina DAIŞ’ê bû û li bajarokê Salihiyê perwerdeya leşkerî dît û piştî perwerdê çû herêma Selahedîn (Iraqê) û li wir 4 mehan ma. Dûvre vegerî xeta Şamiyê û piştî têkçûna DAIŞ’ê li herêmê çû badiyaya Sûriyê. Di îtîrafên terorîst Ebdullah de hin mêvanxaneyên taybet bi endamên DAIŞ’ê li Tirkiyê hebûn û kesên berpirsên tedawiya wan hebûn û vedigerandin xaka Sûriyê.
Li gorî hatibû plankirin diviyabû ew çete li nexweşxaneyên Urfa yan jî Gazî Entab bihata dermankirin.”
